«مسرقتوش منه».. عمر كمال يكشف حقيقة خلافه مع محمد فؤاد بسبب ألبوم (فيديو)

كشف الفنان عمر كمال حقيقة الخلاف بينه وبين الفنان محمد فؤاد بسبب ألبومه الجديد، موضحًا كواليس الألبوم الذي يعمل عليه منذ فترة ويشوق الجمهور له.
حقيقة خلاف عمر كمال ومحمد فؤاد بسبب ألبوم
وقال عمر كمال خلال لقاء مع ET بالعربي: «الألبوم كان بتاع محمد فؤاد، لما جالي وبدأت اشتغل فيه مكنتش أعرف في الأول عرفت بعد ما سجلت كذا أغنية، منطتش على الألبوم أو سرقته الأستاذ محمد فؤاد هو اللي رفضه وهو اللي عمل مشكلة مع المنتج وضحى بكل الأسماء والأغاني الحلوة».
وتابع أن الألبوم عرض على مطربين قبله، قائلًا: «لما سألت عن قصة الألبوم اتقالي أنه اتعرض على وائل جسار وهيثم شاكر وبسبب المقابل المادي حصل اختلاف، في منهم واحد طلب في الأغنية 50 ألف دولار كأداء صوتي يعني ما يقرب من 30 مليون جنيه مصري في الشريط ال12 أغنية، في مطرب تاني طلب حوالي 30 ألف دولار يعني مليون ونص في الأغنية مثلا غير اللي المنتج صرفه وعمله ولسه هيعمله من دعاية وتصوير يعني عايز 15 مليون جنيه في إيده بس عشان يغني».
وكشف عمر كمال عن تكلفة الألبوم مؤكدا انه لم يتلق أجرا عليه: «الألبوم متكلف أكتر بكتير من 15 مليون جنيه مصري، إحنا مصورين 12 كليب وعملنا حوالي 18 أغنية أو 20 طبعا معدي بكتير جدا دا رقم قليل مش أقل من 20 مليون جنيه، لما قعدت مع صناع الألبوم قلت لهم مش هاخد ولا قرش أنا نفسي أغني للناس دي وأعمل الألبوم دا أنا عامل الألبوم دا بدون أي مقابل عامله بحب».
وأوضح أنه لم يتواصل مع محمد فؤاد بعدما أخذ الألبوم، وعاتبه كواحد من جمهوره لأنه يغيب عن الساحة لفترة طويلة قائلا: «مكلمتوش عشان هو أكيد هيكون متضايق مني وزعلان بس كانت في إيدك كان بتاعك أنا زعلان منه وجمهوره زعلان منه بعيد عن عمر المطرب، هو عارف كويس جدا إني كنت من 22 سنة بقف قدام مكتبه واستناه وكان بيعمل حفله كل سنة الساعة 9 بالليل أروح من الساعة 11 الصبح حاطط البوستر بتاعه فوق راسي مستنيه 11 ساعة عشان بس أسلم أو إيدي تلمسه».
عرض هذا المنشور على Instagram
‏تمت مشاركة منشور بواسطة ‏ET بالعربي‏ (@‏etbilarabi‏)‏
اقرأ أيضًا:
عمر كمال يشوّق جمهوره لألبومه الجديد بعد تحضيرات مكثفة