إنجي علي تحتفل بتكريم غادة عادل في الغردقة: أختي ورفيقة كل المواقف (فيديو)

عبرت الفنانة والإعلامية إنجي على عن سعادتها وفخرها بتكريم صديقتها المقربة النجمة غادة عادل في مهرجان الغردقة السينمائي، ووجهت لها رسالة مؤثرة عبر حسابها على «إنستجرام».
وقالت إنجي: «اللي جاي أحلى وأكتر واحنا مع بعض يارب دايمًا.. بحبك يا غادة، النجمة اللي هقدمها دلوقتي علاقتي بيها أكتر من مجرد نجمة أو صديقة.. هي أختي اللي أنا اختارتها، وضهري اللي دايمًا ساندني ورفيقتي في كل المواقف الصعبة قبل لحظات الفرح. علاقتنا بقالها سنين طويلة عمر ما كان فيها مصلحة، عمرها ما اتغيرت بالظروف أو الأيام، ودايمًا فيها الحب والدعم من قلب لقلب».
وأضافت: «النهارده أنا فخورة جدًا إني أقف هنا وأكرم معاكم واحدة من ألمع نجمات جيلها.. بدأت نجمة كبيرة وبطلة لأهم الأفلام وده بسبب بساطة أدائها وصدقها وتلقائيتها.. نجمة مركزة في ورقتها وعمرها ما بصت في ورقة غيرها عشان كدا ناجحة وليها اسم ومكانة في قلوب المصريين والعرب.. عشان كدا هي غادة عادل».
يُذكر أن غادة عادل تم تكريمها في الدورة الحالية لمهرجان الغردقة السينمائي تقديرًا لمسيرتها الفنية وأعمالها المميزة.
View this post on Instagram
A post shared by Indji Ali (@injialiofficial)