«عملية مش سهلة».. أنغام تجري جراحة ناجحة لإزالة جزء من البنكرياس (تفاصيل)

أعلن الإعلامي محمود سعد، عن نجاح العملية الجراحية التي خضعت لها النجمة أنغام، صباح اليوم الخميس، إذ استأصلت جزءً من البنكرياس.
وكتب محمود سعد عبر «فيسبوك»: «حمد لله على سلامة أنغام، زي ما قلتلكم إمبارح، أنغام دخلت غرفة العمليات النهاردة علشان تشيل الجزء المتبقي من الكيس اللي على البنكرياس، مع جزء صغير منه، العملية كانت دقيقة ومش سهلة، بس الحمد لله مرت على خير وكانت ناجحة وهي كويسة الحمد لله، إن شاء الله تتعافى أنغام بسرعة وترحع بألف سلامة».
وكان «سعد» قد كشف عن تطورات الحالة الصحية للفنانة، بعد الأزمة التي تمر بها في الفترة الأخيرة، موضحًا أنها ستستأصل جزءا من البنكرياس.
وكتب محمود سعد عبر «فيسبوك»: «آخر أخبار أنغام الصحية علشان نطمن جمهورها، الدكاترة في البداية شالوا جزء من الكيس اللي على البنكرياس، وبعد شوية قرروا يشيلوا الكيس كله مع جزء صغير من البنكرياس، وهي بخير وهتعمل العملية دي بكرة الصبح، رجاء الدعاء لها ربنا يشفيها ويقومها بالسلامة».
كان طمأن محمود سعد جمهور الفنانة على حالتها الصحية، مؤكدًا أنها تمر بألم شديد لكنها ليست في خطر، إذ قال في بث مباشر عبر حسابه الرسمي على «فيسبوك»: «كان بينا اتصال النهارده، وأنا متابع معاها ومع ابنها عمر، هو بيطمني عليها، بس هي تعبانة، فيه ألم جامد، بتمر بتعب جامد لأن فيه مشاكل، إن شاء الله بعد 3 أو 4 أيام نقدر نشوف، ادعوا لها لأنها بتمر بألم عنيف، لكن مفيش حاجة خطر، وهي كويسة، محتاجة دعاء علشان الألم الشديد اللي بتمر بيه».
اقرأ أيضًا:
«هتشيل جزء من البنكرياس».. محمود سعد يكشف تطورات الحالة الصحية ل أنغام