محمد ثروت: «اتضربت 30 قلم بجد في بنك الحظ.. ومشهد أم صالح طلع من قلبي» (فيديو)

كشف الفنان محمد ثروت كواليس مشهده الشهير في فيلم «بنك الحظ» خلال ظهوره الأخير في بودكاست «فَضفَضت أوي»، مؤكدًا أن الضرب اللي اتعرض له كان حقيقي 100%.
وقال ثروت: «اتضربت 30 قلم فعلًا، لأن المخرج أحمد الجندي قرر يصور المشهد من 5 أو 6 زوايا، وفي كل زاوية كنت باخد 5 أو 6 أقلام.. يعني الحساب كان واضح!».
وأضاف: «الجندي قالي مش عايز أي حاجة فيك، الأقلام تبقى بجد، ولو حسيت إنك بتمثل هنعيد.. وفعلاً اتضربت بجد 30 مرة!».
وعن المشهد الأشهر له في الفيلم، لما بيصرخ فجأة باسم «أم صالح»، قال ثروت إنه كان مرتجل بنسبة كبيرة، وعلق: «أنا فجأة قلت أم صالح وصرخت كده بدون ترتيب.. كنت فعلاً موجوع ومخنوق.. المشهد طلع من القلب فدخل قلب الناس».
عرض هذا المنشور على Instagram
‏تمت مشاركة منشور بواسطة ‏WATCH IT‏ (@‏watchit‏)‏
وفيلم «بنك الحظ» هو فيلم كوميدي إنتاج عام 2017، من إخراج أحمد الجندي، وبطولة أكرم حسني، محمد ممدوح، ومحمد ثروت.
تدور أحداثه حول 3 موظفين يقرروا سرقة بنك بطريقة عبثية مليانة مفارقات كوميدية، وحقق وقتها ردود فعل قوية بسبب كوميديا الأداء وتلقائية المشاهد.