«صعب وعايز يدي تعليمات ل حسام غالي».. ماجد سامي يكشف تجربته مع والد زيزو

كشف ماجد سامي، مؤسس نادي وادي دجلة، عن تجربته مع والد أحمد مصطفى زيزو لاعب نادي الزمالك، عندما كان زيزو لاعبًا في وادي دجلة وليرس البلجيكي.
وقال ماجد سامي في تصريح تليفزيوني عبر شاشة «dmc»: «بقالي سنين متكلمتش مع زيزو ولا والده، ولكن الحقيقة والد زيزو صعب، ده كان بيكلمني يقولي حسام غالي يلعب إزاي واديله تعليمات في ليرس البلجيكي، وساعتها غالي كان واحد من كباتن منتخب مصر».
وأضاف: «تجربتي مع والد زيزو من التجارب اللذيذة في حياتي، ولكن الحقيقة زي ما قولت هو صعب، وصعب في التفاوض، وليس صحيح أننا منعنا زيزو من اللعب عشان رفض يوقع، احنا بعناه عشان نكسب فلوس بدل ميمشي ببلاش».
وتابع: «زيزو هيفيد أي فرقة هيروحلها، ولكن اعتقد أن النادي الأهلي كان محتاج تدعيمات في مراكز تانية غير مركز زيزو في الوسط أو الهجوم».