كريم محمود عبدالعزيز: «كنت باقدم الشاي علشان أسمع بروفات أبويا وأمثل معاه» (فيديو)

كشف الفنان كريم محمود عبدالعزيز عن أول تجربة تمثيلية له أمام والده النجم الراحل محمود عبدالعزيز، وكانت في فيلم« البحر بيضحك ليه؟»، وحينها كان عمره 7 سنوات.
وقال كريم محمود عبدالعزيز خلال لقائه في برنامج «فضفضت أوي» على منصة «واتش إت»: «كنت باطلع الشاي للناس علشان أقدر أسمع البروفات، ولما عرفت إن في دور لطفل قالوا لي ممكن أعمله بشرط لو غلطت حد تاني هيمثله، فوافقت».
وأضاف: «لما جينا نصور مشهدي مع الفنان نجاح الموجي، شفت أبويا قاعد بعيد فحسيت إني لوحدي وركبي بترتعش، لكن قدرت أكمل المشهد».
وتحدث «كريم» أيضًا عن مشاركته في مسلسل «محمود المصري»، وقال إنه كان حريصًا على «حفظ مشاهده كويس في البيت علشان ميبانش إنه متدلع علشان ابنه»، وأشار لمشهد تأثر به بشكل خاص عندما دخل يعطي والده نقوده القديمة في لقطة إنسانية، وقال: «حاولت أعيش المشهد كأني يتيم وبجد متأثر، وبعد التصوير بابا قال لي: إنت بتمثل بقى، فقلت له بحاول أعمل مشهد حلو مش أكتر».