أحمد داش: الجيل الجديد بياخد فرص حقيقية.. وده تطور طبيعي في الفن

أعرب الفنان أحمد داش عن سعادته الكبيرة بالنجاح اللي حققه مع زميله الفنان عصام عمر في مسلسل مسار إجباري، واللي اتعرض ضمن السباق الرمضاني 2024، مؤكدًا إن العمل كان بداية قوية لجيل جديد من الفنانين.
وقال داش خلال لقائه مع الإعلامية منى الشاذلي في برنامج معكم على قناة «ON»: «حققنا نجاح كبير في مسار إجباري، وإحنا فعلًا جيل جديد طالعين مع بعض وبيجمعنا صداقة وحلم مشترك«.
وأشار إلى إن تصعيد الوجوه الشابة في الأعمال الفنية هو أمر طبيعي ومنطقي، وعلّق: «اللي بيحصل ده هو التطور الطبيعي للشغلانة.. لازم ناس جديدة تطلع بأفكار مختلفة وصوت جديد يعبر عن جيلنا».
وأضاف: «الفرص اللي جاتلنا كانت مهمة، والمطلوب مننا دلوقتي إننا نقدم مشاريع تفرح الناس وتوصل صوتنا بشكل صادق».
وخلال الحلقة في لحظة لفتت الأنظار وأثارت إعجاب الجمهور، قام الفنان أحمد داش بتقبيل دبلة خطيبته على الهواء مباشرة، خلال استضافته في برنامج «معكم منى الشاذلي» المذاع على قناة «ON»، في إشارة رومانسية عبّر بها عن ارتباطه العاطفي ودعمه لشريكته.