«هل يقصد زيزو؟».. عمرو أديب عن تجديد عقد صلاح: «عارف إن فيه مكسب تاني غير البنك»

علق الإعلامي عمرو أديب، على إعلان نادي ليفربول الإنجليزي تمديد عقد النجم المصري محمد صلاح مع النادي حتى 2027.
وأشاد الإعلامي بقرار محمد صلاح بالبقاء في ليفربول، وعدم الرحيل في ظل الإغراءات المادية الكبيرة من بعض الأندية الأخرى للتعاقد معه، مثل أندية المملكة العربية السعودية وغيرها.
وقال أديب عبر حسابه بمنصة «إكس»: «مش من فراغ، طول عمره محترم طول عمره مقدر الجميل، حتى لو خسر فلوس فيه حاجات كتير تعوضها بيستثمر في الناس بيستثمر في تاريخه عارف إنه فيه مكسب تانى غير البنك. ربنا يرزقك قد نيتك قادر يا كريم».
مش من فراغ ،طول عمره محترم طول عمره شايف طول عمره مقدر الجميل، حتى لو خسر فلوس فيه حاجات كتير تعوضها بيستثمر في الناس بيستثمر في تاريخه عارف انه فيه مكسب تانى غير البنك. ربنا يرزقك قد نيتك قادر يا كريم https://t.co/LxvXxoj3NE
— Amr Adib (@Amradib) April 11، 2025
وهي التغريدة التي تفاعل عدد كبير من مستخدمي «إكس» عليها، متسائلين إن كان يقصد بكلماته «الاسقاط» على لاعب الزمالك أحمد سيد زيزو.
وكان أديب قد وجه رسالة سابقة إلى زيزو في ظل ما يتردد عن توقيعه عقود انتقاله إلى صفوف الأهلي.
وكتب عبر حسابه في موقع «إكس»: «رسالة إلى زيزو: مقدرش أقولك إن الفلوس مش مهمة، بس الأهم إنك تكون حاسس بوجودك وتأثيرك في المكان اللي بتلعب فيه. فرق كبير أما تحس إنك الوحيد أو تحس إنك واحد من الوحايد، انت عارف جمهور الزمالك بيعشقك وبينتظر بس تتحرك أو تلعب أي لعبة».
وأضاف: «طول عمرك زملكاوي جدع أصيل، فكّر شويه بقلبك مع عقلك واعرف إن التاريخ ساعات بيقلب مع الإنسان، والنوادي زي كل حاجه أقدام، وقدم الزمالك عليك كان حلو وكان وش السعد». وأتم عمرو أديب رسالته قائلًا: «لا ترحل يا زيزو، مش علشان تجيب أجوان، علشان احنا بنحبك بجد في الزمالك ومع الفانلة البيضا».
رساله إلى زيزو: مقدرش اقولك أن الفلوس مش مهمه، بس الاهم انك تكون حاسس بوجودك وتاثيرك في المكان اللى بتلعب فيه. فرق كبير اما تحس انك الوحيد أو تحس انك واحد من الوحايد، انت عارف جمهور الزمالك بيعشقك وبينتظر بس تتحرك أو تلعب أي لعبه، طول عمرك زملكاوي جدع اصيل، فكر شويه بقلبك مع…
— Amr Adib (@Amradib) March 22، 2025
الموضوع بقى واضح اللى معاه فلوس اكتر وجاهزه حياخد زيزو. لا تكلمنى عن الفانله والكلام الفارغ ده. وبسم الله ماشاء الله في نادى معاه فلوس من هنا للسما، بيجيبوها منين مش مهم، جاهزين وحاضرين يشتروا زيزو وحسام عبدالمجيد ولو ناصر منسي كمان وفى الاخر يقولك الاهلى كله من اولاد النادي
— Amr Adib (@Amradib) April 4، 2025
وكان نادي الزمالك قد أعلن انتهاء علاقته بأحمد سيد زيزو، بعد نهاية عقده الجاري، وذلك بعد وصول العلاقة لطريق مسدود.
اقرأ أيضًا:
كل الشركات سابتني.. بيج رامي: فلّست ورجعت مصر مكنش معايا مصاريف بيتي
مبروك تم إيداع 81 تريليون دولار في حسابك.. خطأ كارثي في أحد البنوك (فيديو)
عايدة رياض: تزوجت محرم فؤاد كيدًا في نجم نادي الزمالك (فيديو)