صفقة زيزو.. عمرو أديب يهاجم الأهلي: «انت واخد 3 لاعيبة من الزمالك بنص فريقك» (فيديو)

طالب الإعلامي عمرو أديب، لاعب نادي الزمالك أحمد مصطفى زيزو، بالبقاء داخل القلعة البيضاء وعدم الانتقال إلى الغريم التقليدي النادي الأهلي.
وكشف أديب، في تعليقه ببرنامجه «الحكاية» والذي يعرض عبر قناة «MBC مصر» مساء السبت، عن رسالة وصلت إليه من شخص وصفه ب الموثوق.
وقال الإعلامي المعروف عن تشجيعه نادي الزمالك: «جاتلي رسالة من حد أثق فيه من جوه نادي الزمالك، إن زيزو مش خاين، لا هو ولا أبوه، والاتنين بيحبوا الزمالك وكل الكلام اللي بيتقال في الفترة الأخيرة غير صحيح، وزيزو حابب يكمل في الزمالك».
وأضاف: «بقول ل زيزو متروحش الأهلي عشان تبقى واحد من الناس، اقعد في الزمالك عشان تبقى سيد الناس، انت في الزمالك باشا، الأهلي عنده 5 أو 6 لاعبين على الدكة مش محتاجهم، اقعد في النادي اللي يعرف قيمتك. الفلوس بتفرق طبعا، لكن جنب المصلحة في التقدير والراحة والمحبة».
وتابع أديب: «المسألة مش حرب النادي الأهلي نادي بطولات، عيش وسيب الناس تعيش، هتعمل إيه بكل اللاعيبة دي. الأولى حل مشاكل اللاعيبة اللي عندك وعايزه تجدد، انت واخد 3 لاعيبن من الزمالك السنة اللي فاتت ووزنهم بنص النادي عندك. هو عشان جاي من الزمالك بقى حلو وعليه عسلية».
وختم: «الأهلاوية بيقولولي أنتوا ليه ميتين في الزمالك على زيزو؟ طب انتوا ليه ميتين عليه.. ولا عشان ماعرفتوش تعملوله كوبري؟».
عمرو أديب: الأهلاوية بيقولولي أنتوا ليه ميتين في الزمالك على زيزو؟ طب انتوا ليه ميتين عليه.. ولا عشان ماعرفتوش تعملوله كوبري؟
شاهدوا #الحكاية على #MBCMASR من الجمعة للاثنين 10م بتوقيت القاهرة من هنا https://t.co/uwHwlsCISw pic.twitter.com/0JniWTTYTX
— الحكاية (@Elhekayashow) April 5، 2025
اقرأ أيضًا:
كل الشركات سابتني.. بيج رامي: فلّست ورجعت مصر مكنش معايا مصاريف بيتي
مبروك تم إيداع 81 تريليون دولار في حسابك.. خطأ كارثي في أحد البنوك (فيديو)
عايدة رياض: تزوجت محرم فؤاد كيدًا في نجم نادي الزمالك (فيديو)