رفضت تقديم «عبده موتة».. محمد رجب: «محمد رمضان ميجا ستار وأنا ستار» (فيديو)

قال الفنان محمد رجب، إن محمد رمضان، من النجوم الذين يحبهم ويحب اجتهادهم وعملهم، نافيًا قبول رمضان كل الأدوار التي كان يرفضها هو، وقال: «محمد رمضان مكنش بيقبل كل الأدوار اللي كنت برفضها وهو من النجوم اللي بحبهم وبحب اجتهاده».
وأشار «رجب»، خلال حواره ببرنامج «أسرار»، مع الإعلامية أميرة بدر، عبر قناة «النهار»، إلى أن فيلم عبده موتة عُرض عليه قبل ظهوره للنور بخمس سنوات، مضيفا: «عبده موته لم يكن من ترتيب أهدافي، ومش ندمان أنى رفضت هذا الدور وكل فنان له وجهة نظر».
وأوضح، أن كل فنان له وجهة نظر في أدواره وخلال توقيت فيلم عبده موته لم يكن يحب هذه النوعية من الأعمال.
وتابع رجب: «مكنتش عايز أعمل النوعية دي من الأفلام، وقعد سنين كتير لحد ما بقى عبده موتة من نصيب محمد رمضان، ومش معنى إن رمضان نجح في الفيلم النجاح العظيم ده إني كنت هنجح به، وهو بتاع محمد رمضان».
وعن موقفه من العمل مع محمد رمضان، حال عرض العمل معه، قال رجب: «موقفي مترتب على الدور من ناحية حجمه، والوضع اللي هبقى في الفيلم عامل إزاي ولازم أشوف الورق الأول».
وأبدى موافقته على تجسيد دور الشر مع محمد رمضان، لكن الموضوع يكون بشكل يليق به وبحجمه، مضيفا: «بحب محمد رمضان ولو في موضوع يليق بيا وبحجمي أعمله، والمفروض اسمه يتكتب قبل اسمي على العمل».
وتابع: «محمد رمضان ميجا ستار وأنا ستار، وعشان أقدر أروح المشوار اللي أنا عايزة لازم اعرف أنا قاعد فين الأول، وهدفي أكون ميجا ستار، وأنا بعمل اللي عليها وإنها تيجي أو متجيش شيء بتاع ربنا»
اقرأ أيضًا:
كل الشركات سابتني.. بيج رامي: فلّست ورجعت مصر مكنش معايا مصاريف بيتي
مبروك تم إيداع 81 تريليون دولار في حسابك.. خطأ كارثي في أحد البنوك (فيديو)
عايدة رياض: تزوجت محرم فؤاد كيدًا في نجم نادي الزمالك (فيديو)