كل الشركات سابتني.. بيج رامي: فلّست ورجعت مصر مكنش معايا مصاريف بيتي

قال لاعب كمال الأجسام العالمي، ممدوح السبيعي، الشهير ب«بيج رامي»، إنه شهد العديد من الأزمات خلال مسيرته من كفر الشيخ إلى العالمية.
وأضاف بيج رامي، خلال استضافته في أولى حلقات برنامج «كلم ربنا» على «راديو 9090»، الذي يُقدمه الكاتب الصحفي أحمد الخطيب: «عشت 3 سنين إفلاس، مشاكل مالية، حلم بيضيع، لكن فضلت أتمرن لدرجة إن الناس كانت مستغربة، وكنت بقولهم: «ربنا هيحلها من عنده».
وبين: «فى 2013، كسبت تالت أقوى بطولة في العالم للمحترفين، والشركة رفعت التعاقد ل500 ألف دولار وده أمر فوق خيالي، لكن فجأة في 2017، كل الشركات سابتنى وخسرت كل حاجة، وبدأت محنتي في 2018 لما طلعوني من البطولة وسبت الكويت ورجعت مصر مكنش معايا حتى مصاريف بيتي وفلّست، ورغم كده روحت ألعب أولمبيا في 2020، لكن للأسف جاني كورونا».
وأوضح: «بعد 10 أيام فوجئت بدعوة خاصة لبطولة أولمبيا، وده محصلش قبل كدة لحد، وروحت البطولة وربنا كرمنى بالمركز الأول، لأول مرة في تاريخ مصر، ثم ربنا أكرمنى بنفس البطولة في 2021».
وتابع «بيج رامي»: «بقي عندى يقين إن ربنا عُمره ما سابني، وأقول لنفسي دلوقتى: شكرا انك اتعلمت الدرس، وانك سعيت ورميت شباكك وربنا كرمك، وبقول لربنا: الحمد لله إنك أنعمت عليا بنعمة اليقين فيك، وذلة الانكسار إليك، لأنها متعة حياتي دلوقتي».
اقرأ أيضًا:
*استشاري يحذر من تخزين هذه الطماطم قبل رمضان: «الجنيه اللي هتوفره ثمنه أورام»
*هل يجوز للأب أن يتزوج زوجة ابنه إذا طلقها أو توفي؟ مركز الأزهر يجيب (فيديو)
*استشاري تغذية يحذر من إعادة تسخين الطعام بهذه الطريقة