«انتوا عايزين تدمروا الأجيال الجديدة».. شوبير يشن هجوما عنيفا على اتحاد الكرة

شن الإعلامي أحمد شوبير هجوما عنيفا على مسؤولي الاتحاد المصري لكرة القدم بسبب العشوائية في اختيارات القائمة الدولية من الحكام وعدم منح الفرصة للحكام الشباب الواعدين من أجل إرضاء بعض الأشخاص.
وقال أحمد شوبير: «مجرد سؤال هو إحنا بنبص لبكره ولا أيه..؟ أنتوا عايزين أيه عايزين تقتلوا كل الشباب اللي طالعين عايزين تدمروا كل الأجيال اللي طالعة ميبقاش فيه أي أجيال طالعة يبقى الدنيا كلها فلان وعلان وترتان ومفيش أي فرصة لحد جديد».
اقرأ أيضًا: «جايز هيتفاءلوا باللون الأسود».. شوبير يتساءل عن سبب تغيير لون فانلة الزمالك
وتابع شوبير: «أنا أكثر واحد دافعت عن محمد عادل ومحمود عاشور والحكام الجيدين لكن لما يكون عندي مجموعة من الحكام الشباب الواعدين المميزين أبقى مش عايز أساعدهم وكله أرمي أرمي وأدي شارة الفار للحكام السابقين كمان».
وأوضح شوبير: «ما لو الموضوع كده بقى نرجع محمود الخطيب وحسن شحاتة يلعبوا وأنا أرجع حارس مرمى ونسيبنا من اللاعيبة الحالية، فيه أيه يا جماعة ما لكم ما تسيبوا الأجيال الجديدة تلعب، وندخلهم القائمة الدولية اللي شرطها 15 مباراة كحكم فار فقط، ما فيه عندنا الحكم عمرو الشناوي وأحمد العزب أنا مالي إنهم ولاد حكام ما داموا كويسين يا مرحب».
وأضاف شوبير: «إنما اتحاد الكرة بيضحي بالأجيال الجديدة الكويسة عشان يراضي فلان وعلان، كل الاسماء الكبيرة جمال الغندور وعصام عبدالفتاح وغيرهم بقوا حكام دوليين ازاي خدوا فرصة وتم الوثوق فيهم».
واختتم شوبير: «إنما أيه الكلام الفاضي اللي بيحصل ده وييجي قبل القائمة الدولية بقه تبدأ الاتصالات يا كابتن أنا من حقي يا كابتن أنا المفروض أكون موجود عشان الحكام مش عارفين المعايير التي تتم وفقا لها الاختيارات».