«حافية أو منكوشة أنا تريند».. أول تعليق من فريدة سيف النصر على حضورها حفل حافية القدمين

أكدت الفنانة فريدة سيف النصر أن كل ما تردد حول حضورها حفل توزيع جوائز الدير جيست حافية القدمين عاري تمامًا عن الصحة، وكتبت منشور عبر حسابها الخاص على موقع التواصل الإجتماعي فيسبوك قائلة:. والله زهقت ليه مركزين معايا اوي وبالكذب، علشان كده مابحبش احضر احتفالات، اخر اشاعه اني حضرت المهرجان حافيه من غير جزمه لامؤاخذه ايه العبط ده، أنا مابرضاش اتكلم، لكن لما كل المواقع تكتب كده لأنهم بينقلوا من بعض، طيب انا ونازله من باب السياره الكعب اتكسر ازاي ماحدش يسألني إتعودت خلاص عالعيون الحلوه، فا بقيت رجل عاليه ورجل واطيه، وربنا يخللي سمير فقيه الصحفي الكبير استقبلني ومسك كتر خيره ومشي بيا كنت هاروح والله».
وأضافت فريدة سيف النصر: «فضلت متحمله وانا مروحه قلعتها لاني هاقع بسبب الكعب معرفش أنهم سايبين الناس كلها بفساتينهم وبيصوروا رجلي مراقبين حتي انفاسي مع الأسف، بجد اهم حاجه عندي حب جمهوري انتم بقي لحساب مين اعملوا مابدالكم زهقت،أما الميك اب فاانا اصلا حتي شغلي مابحطش إلا روج مابحبش الفوند تان خالص/ وشعري طبعا معمول بس لاماه أنا ماما ياجماعه».
وتابعت: «بصوا بقي كفايه راي جمهوري هما بيحبوا طبيعتي وبساطتي، وفعلا من تواضع لله رفعه، واظن واضح، وعلي فكره انا باالبس المناسب لسني ومكانته والحمدلله عجبكم وقولتم شيك انما من غير جزمه ده هبل.عيب بقي ارحمون، وبكل اللي بيحصل ده انا تريند على طول يااولادي حافيه بقي منكوشه اهو الحب من الله موتوا».
أخر مسلسلات فريدة سيف النصر
كانت فريدة سيف النصر قد شاركت في بطولة مسلسل العتاولة ضمن أعمال رمضان 2025 وشاركها البطولة أحمد السقا، طارق لطفي، زينة، باسم سمرة، مي كساب، حنان يوسف، صلاح عبدالله، سامي مغاوري، ميمي جمال، هدى الإتربي، أحمد كشك، مؤمن نور، مريم محمود الجندي، والعمل تأليف هشام هلال ومن إخراج أحمد خالد موسى.