ماذا قال أحمد فهمي في برنامج بيت السعد؟ (تقرير)

حل الفنان أحمد فهمي ضيف على برنامج «بيت السعد»، وتحدث مع أحمد وعمرو سعد في أشياء كثيرة ومتنوعة، وفيما يلي أبرز تصريحاته خلال الحلقة.
أحمد فهمي يكشف عن الشئ المشترك بينه وبين أحمد سعد
كشف الفنان أحمد فهمي عن الشئ المشترك بينه وبين أحمد سعد في «أنهما يتعاملان مع الشغلانة بمنطق اللعبة»، على حد تعبيره
وقال في لقائه في برنامج «بيت السعد»: «أنا وأحمد سعد واخدين الشغلانة لعبة، ومبنأذيش حد، وفي النهاية، شغلك هو اللي هيتكلم عنك».
وتخدث فهمي بطريقة ساخرة عن الشئ المشترك بينه وبين أحمد سعد قائلا:«لما ببقى عامل تريند ومشكلة، بالاقي أحمد سعد عامل مشكلة أكبر».
أحمد فهمي يكشف عن نصيحته لشقيقه كريم بشأن بناته.. تعرف عليها
كشف الفنان أحمد فهمي عن نصيحته الدائمة لشقيقه كريم حيث أكد أنه ينصحه أن يحب بناته حب غير مشروط.
وقال في لقائه مع برنامج بيت السعد: «الطفل الذي بداخل أي شخص، من وهو عنده 10 سنين بيلم كل الخبرات اللي حواليه، فلما بيكبر الشخص بيكون هو لسه صغير، فبيبدأ يخاف من حاجات هي مش حقيقية حاليًا».
وتابع: «فيها حاجة اسمها الحب المشروط، بمعنى أهالينا زمان كانوا بيربونا أنك لو نجحت هجيب لك عجلة، فدائما أنت حاسس إنك لازم تعمل إنجاز عشان تتحب، فلما تكبر وتعمل فيلم أو أغنية وحشة تحس إن دي آخر الدنيا لو معجبتش الناس».
وأوضح: «عشان كده بنصح كريم إن يحب بناته حب غير مشروط، هم كويسين لأنفسهم إنما تحضر هدية لهم عشان أنتا بتحبهم في الأساس».
شاهد...«وصلة هزار» بين أحمد فهمي وأحمد سعد...ما رد فعل عمرو سعد؟
وصلة هزار جمعت النجمين أحمد سعد وأحمد فهمي أثناء حلقة الثنائي في برنامج «بيت السعد».
وقال أحمد سعد في برنامج «بيت السعد»:«أحمد فهمي مش متصابي أكتر مني، هو مبيحطش صبغة على دقنه، أنا بحط».
وتحدث أحمد فهمي بطريقة ساخرة قائلًا:«في ناس تحس إنهم مولودين كبار، عمرو سعد مولود جراند، ونزل سلم على الدكتور وهو بيتولد، ودمع زي فيلم دكان شحاتة».
وتحدث أحمد سعد عن شقيقه عمرو قائلًا:«عمرو كان بيعيط بدمعة واحدة وهو صغير»، بينما رد عمرو سعد على حديث شقيقه قائلا:«أنا كنت عيل خجول بتكسف»، ليرد عليه أحمد سعد ساخرًا:«من امتى كنت عيل؟».
ورد عمرو سعد على سخرية الثنائي:«أنا كنت خايف من الحلقة دي، وعارف أن أنا هطلع على المسرح».
أحمد سعد: «أقسم بالله العظيم أنا هموت واستقر في الجواز»
كشف الفنان أحمد فهمي عن رأيه في فكرة الحب والجواز ومدى مناسبتها للشخص من عدمه.
وقال في لقائه مع برنامج بيت السعد:«الواحد لما بياخد قرار إنه يدخل في علاقة زواج أو حب، مبيبقاش داخل يكدر نفسه، الواحد بيبقى فعلا حاسس بكل الأحاسيس اللي بيسمع عنها وفجأة المواضيع بتختلف».
وتابع: «أوقات ببص على الناس المستقرة وساعات بنحسدهم، وده لا يقلل من السيدات اللاتي ارتبط بهن، وغالبا احنا اللي غلط، ممكن تكون القرارات بعواطفنا أكتر من عقلنا، بنلاقي نفسنا بعد شوية مش في المكان الصح».
وتفاعل أحمد سعد مع حديث أحمد فهمي قائلًا:«والله العظيم أنا هموت واستقر في الزواج».