«ملناش دعوة بالمنتخب».. ميدو يكشف واقعة مثيرة من اتحاد الكرة قبل أمم أفريقيا 2006 (فيديو)

كشف أحمد حسام ميدو، نجم الزمالك ومنتخب مصر السابق، عن كواليس عن بطولة أمم أفريقيا 2006 لأول مرة تحكى.
وقال أحمد حسام ميدو في تصريحات تليفزيونية عبر برنامج «الهدف» المذاع على قناة «أون تايم سبورت»: «اتحاد الكرة راح مجلس الشعب قبل بطولة 2006 ب 10 أيام وقالوا احنا مالناش دعوة بالمنتخب ده ولا إحنا اللي جيبنا حسن شحاتة والنتائج أحنا مش مسؤولين عنها».
وأضاف ميدو: «وقالوا وقتها إننا لسه جايين من 4 أو 5 شهور، ولما خدنا البطولة كله أشاد بحسن شحاته، اللي عايز أقوله إن الكلام ده كله عمل ضغط كبير علينا طوال البطولة وأن أحنا لازم نكسب البطولة دي والكأس ده مش هيطلع من مصر».
وأردف نجم الزمالك السابق: «ساعات في حاجات بتحصل رغم صعوبتها بس بتكون حافز كبير ليك، وكان معانا مدرب عظيم كابتن حسن شحاته، وشرف كبير لأي مصري وزمالكاوي، ودايمًا بيخلق دافع للعيبة».
وأتم: «في ناس كتير لازم تقف وتشوف هما نجحوا إزاي زي حسن شحاته، ومحمود الخطيب، وعلى أبو جريشة، وحازم إمام وغيرهم كتير».