رد الرئيس عبدالفتاح السيسي، على من ينتقدون كثرة الإنفاق الحكومي والأموال الكبيرة التي صرفتها الدولة على بعض المشروعات مثل تطوير مساجد آل البيت، وشبكة الطرق وغيرها من المشروعات. وقال السيسي، خلال افتتاح موسم الحصاد ب مشروع مستقبل مصر الزراعي، اليوم الإثنين، إنه حريص على بناء الدولة بالشكل الصحيح. وأوضح السيسي: «فيه كتير قالوا إن الحكومة والرئيس السيسي دايمًا بيحب يعمل كل حاجة زيادة عن اللزوم شوية، قالك شوف المسجد بتاع السيدة زينب والحسين.. آه طبعًا، أنا لما أخش أعمل وأرفع كفاءة مسجد يبقى أدهنه من بره كده وخلاص؟.. لا ده بيت ربنا ميتعملش إلا صح». وأضاف: «اللي عنده فيلا واللي عنده شقة بيحاول يخليها زي الفل، وأنا لما أجي أعمل بيت ربنا أعمله أي كلام؟ ولما نيجي نعمل حاجة بتاعتنا بنحاول نعملها أحلى حاجة بأقل سعر ممكن، ثم في أقل وقت عشان الحاجة دي تطلع للناس وتستفيد بيها». الرئيس #السيسي يرد على منتقدي تطوير مساجد آل البيت السيدة زينب والحسين: "اللي عنده شقة ولا فيلا بيحاول يخليها زي الفل وأنا لما أجي أعمل بيت ربنا أعمله أي كلام!" pic.twitter.com/2bZapLDxP7 — ON (@ONTVEgy) May 13, 2024 وأشار السيسي ردًا على ما قاله وزير الري إلى أنه لم يكن لديه خيارات أخرى بشأن المشروعات التي أقامتها الدولة في محطات رفع المياه وغيرها، موضحًا: «أنا ما كانش عندي خيارات أخرى إن إحنا نسيب بلدنا كده وتخرب بجد، لا إحنا كنا نعاني من إنفاق عالي زي كده في سبيل إن البلد دي تعيش». وتابع: «الناس بتقول انت زنقت نفسك وزنقتنا!.. صحيح، بس أنا معنديش خيارات تانية، زنقت نفسي أه.. زنقت الدولة أه.. بس عشان نعمل دولة، واللى بيتعمل ده آثاره بتبان يوم عن يوم وبتعود للدولة».
