اتفاجئت بيها.. اعترافات المتهم بدهس طبيبة التجمع

«هي كانت ماشية يتعدى الطريق وأنا كنت ماشى في أقصى الشمال علشان كنت خلف من اليوتيرن وكانت ماشية بسرعة وأنا اتفاجئت بيها يتعدى من العربية اللي كانت على يميني واسترددت وأنا حاولت تفاديها ومعرفتش وحصلت إصابتها». بهذه الكلمات بدأ «عبدالله.أ»، 18 عاما، «طالب»، يدلي بأقواله أمام النيابة العامة في واقعة دهس طبيبة التجمع.
أمام النيابة العامة، وقف المتهم يدلي باعترافاته، حول واقعة دهس طبيبة التجمع وقال المتهم: «اللي حصل سائق العربية بطاعتي حوالي الساعة 10 بالليل عند تقاطع شارع الجزيرة في التسعين الجنوبي وعديت ليوترن وماشي في أقصى الشمال واتفاجئت وأنا ماشي بسيدة تعبر الطريق من اليمين من قدام عربية تأنى وكانت مسرعة وترددت في العبور وأنا حاولت تفاديها ومعرفتش واصطدمت بيه وحدثت إصابتها وأنا وقفت الطول ونزلت علشان اطمن عليها لقيت فيها إصابات روحت اتصلت بالإسعاف وجات أخذتها والشرطة جات واخدموني واخدو العربية وجابوني على القسم وأنا كلمت حد من اهلى علشان يتابع حالة المصابة وفعلا راحوا واطمنوا عليها وانكفلوا بكل المصاريف في المستشفى الجوى وعملوا المحضر وجابوني على هنا انهاردة ودا كل اللي حصل».
وأضاف المتهم: «عد الحادثة علطول وقفت العربية ونزلت علشان اطمن عليها واتصلت بالاسعاف على طول، هي كانت واقعة على الأرض وفى جروح في وشها نتيجة الحادثة، فضلت واقف بعد الحادثة بالعربية علشان اطمن على المصابة والشرطة جات وانا واقف اخدوني واخدوا العربية على القسم».
أوضح المتهم «هي كانت بتعدى الطريق وماشية بسرعة وانا اتفاجئت بيه قدام، وبعد الحادثة بعت اخويا، يروح لها ومتابع حالتها ومتكفل بكل المصاريف اللى هتصرفها في المستشفى لحد ما تتماثل للشفاء».
تلقي قسم شرطة التجمع الخامس بلاغ من شرطة النجدة، بوجود حادث سير ومصابة بشارع متفرع من شارع التسعين بمنطقة التجمع الخامس، وعلى الفور، انتقلت أجهزة الأمن إلى مكان الحادث، وتبين إصابة تسنيم عزت بسطاوي، 23 سنة، طالبة بكلية الطب البيطري بجامعة القاهرة، ونقلت للمستشفى في حالة حرجة.
وبإجراء التحريات، تبين أنه حال سير سيارة ملاكي وقيادة عبدالله. أ (18 سنة)، طالب بالجامعة الألمانية، اصطدم بالضحية، ما تسبب في إصابتها بنزيف في المخ وكدمات وسحجات متفرقة بالجسم، وتم نقلها للمستشفى لتلقي العلاج، وتوفيت الطالبة في المستشفى متأثرة بإصاباتها، وتحرر محضر بالواقعة وأخطرت النيابة العامة للتحقيق.