قال هشام ماجد: بكره الأعمال الفنية اللي فيها النجم الأوحد وكله بيخدم عليه هشام ماجد: شهوتي شراء الجزم انا والمخرج عمرو سلامة هشام ماجد: مقصر في حق أحمد فهمي وطالع معاه ضيف شرف في فيلمه الجديد كشف الفنان هشام ماجد عن رأيه في الأعمال الفنية الحالية قائلًا: بكره الأعمال اللي بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول أعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم «الناظر» كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم. وكشف هشام ماجد، خلال استضافته ببرنامج «أسرار» مع الإعلامية أميرة بدر المذاع على قناة النهار: شهوتي شراء الجزم وساعات بيبقى مالهاش لازمة وأنا وعمرو سلامة فينا الموضوع ده، عندي حوالي 60 جزمة وحاططهم على الأرض، ومراتي بتضايق من ده. وتابع هشام ماجد:«بقف في المراية كتير واتأكد إني كويس،مبشوفش نفسي حلو وكتر خير اللي بيشوفني حلو، مبحبش تغيير الشكل والعمليات، إلا لو عندك عيب مضايقك أاوي». وحول تعاونه مع الفنان أحمد فهمي مجددا في عمل فني قال: «مش زعلان عن احمد فهمي عشان اعاتبه، وهو بيكلمني كتير، وانا اللي مقصر معاه، وطالع معاه ضيف شرف». وعن أعماله الفنية الجديدة قال هشام: «عندي فيلم في العيد، اسمه فاصل من اللحظات السعيدة». برنامج «أسرار» تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
