«قايم بدور أبلة فضيلة».. رضا عبدالعال يفتح النار على حسام حسن بعد رباعية كرواتيا

فتح رضا عبدالعال، نجم الزمالك السابق، النار على حسام حسن، المدير الفني لمنتخب مصر، عقب خسارة المنتخب أمام كرواتيا، في نهائي بطولة كأس عاصمة مصر.
وتعرّض منتخب مصر للخسارة أمام كرواتيا، بنتيجة 4-2، في المباراة التي اقيمت بينهما مساء الثلاثاء، على استاد مصر، في نهائي بطولة كأس مصر.
وقال رضا عبدالعال، في تصريحات تلفزيونية عبر فضائية «أون تايم سبورتس»: «ما الهدف من التغييرات التي أجراها حسام حسن، في الدقيقة 79، هو عمل التغييرات عشان يتقال إنه بيجرب اللعيبة، لو منتخب مصر كسبان أو متعادل عمره ما كان غيّر زي مباراة نيوزيلندا».
وأضاف: «الهدف من المباراتين ظهور لاعبين جدد، وهو ضم لاعبين لم يسبق لهم التواجد مع منتخب مصر، أنا قبل البطولة قُلت بلاش نستدعي المحترفين، المحترفين عملولنا إيه؟ لعب عشوائي وكل واحد بيلعب بمزاجه، وحسام حسن مقدرش يقول للعيبة العبوا من لمسة واحدة».
وتابع: «حسام حسن، لازم يقف يكلم اللعيبة، زي ما كان بيعمل في الأندية اللي درّبها، هو كدة زي فيتوريا»، مضيفًا: «اللقطة اللي كان واقف فيها حسام حسن، بيوجه اللاعبين هو عمل كدة عشان الكاميرا كانت عليه، في مباراة نيوزيلندا محمد شكري نزل في الدقيقة 91، حسام حسن واقف بيكلمه هو هينزل يعمل إيه؟! حسام حسن، محتاج اللقطة عشان يتقال إنه اتغير وبيحتوي اللعيبة واللعيبة كلها بتحبه».
وواصل: «عمر مرموش، غلط أكتر من مرة وحسام حسن مكلموش، محمد عبدالمنعم، الكرة اتقطعت منه وكانت هتكلفنا هدف، كان لازم حسام يكلمه».
وأتم رضا عبدالعال تصريحاته قائلا: «كلنا عارفين طبيعة حسام حسن، مكانش بيعبر اللعيبة والكل كان بيبقى مرعوب منه، ولكن دلوقتي قايم بدور أبلة فضيلة بيطبطب ويحتوي».