والد نيرة أشرف ل المصرى اليوم: «مش هتنازل عن حق بنتي علشان كل بنت تحس بالأمان» «فيديو»

كشف أشرف غريب والد الراحلة «نيرة أشرف» عن مفاجأة في واقعة تهديد ابنته الثانية «شروق» من قبل أحد الشباب بتعرضها لمصير شقيقتها نيرة، ما لم توافق على الزواج منه.
عرض زواج ثم تهديد بالقتل:
وقال والد نيرة: «فى بث مباشر ل المصري اليوم : «الواقعة بدأت يوم الثلاثاء 12 ديسمبر الجارى حيث فوجئت بشخص يدخل على رسائل حسابى على التيك توك ويقول لي أنا بحب بنتك شروق وعايز اتجوزها».
«الداخلية» تُعلن القبض على المتهم بتهديد شقيقة نيرة أشرف (تفاصيل)
وأضاف: «لم أهتم لأنه شخص مش معروف بالنسبة لي، ولكن بعدها أرسل تهديد أنه هيقتلها وقالي وديني لأقتلها ، طبعا أنا اتخضيت لكن لم أقم بأى رد فعل غير أنى عملتله حظر، لكن فوجئت بشروق بنتى منهارة وبتقولى في حد بيهددنى بالقتل ولقيته نفسه الشخص اللى بعت لي التهديد وبعدها فوجئت باتصال من شقيقتها هدير، بتقول نفس الكلام، وأن الشخص ده هدد بقتل أختها شروق، في اللحظة دى أنا حسيت بالرعب واللى حصل لنيرة مع المتهم محمد عادل مر أمامى زى شريط السينما ما هي قصة نيرة، بدأت قبل سنتين من قتلها، وكانت عبارة عن رسائل مطاردة من المتهم، وبعدين تهديدات وانتهت بإنه خلص عليها في الشارع».
لحظات رعب عاشتها الأسرة:
وتابع الأب قائلا: «فى اللحظة دى أنا حسيت بالرعب على بنتى شروق، وقلت يارب أنا مش عايز أعيش اللى عيشته تاني ورحت المباحث عملت محضر وقدمنا ما يثبت ذلك من رسائل».
واستطرد الأب: «احنا شوفنا أيام صعبة ربنا ميكتبهاش على حد وخبينا على والدة البنات اللى بيحصل لكن للأسف بنتى شروق وضعت الرسائل على صفحتها وأمها شافتها ومن لحظتها وهى عايشة في رعب وبتبكي طول الوقت لأن الواقعة قلبت علينا المواجع ده غير الرعب على بنتنا شروق».
وأكد الأب أن خبر القبض على المتهم كان سبب في راحة كبيرة، خاصة لما وقع في يد المباحث وعرفنا أنه قررها مع بنات كتير قبل كده، ولكنه وقع بسبب شروق، وكأن ربنا رفع عنه الستر علشان يرجع حقوق البنات الآخرين».
مفاجأة بعد القبض على المتهم:
وفجر «غريب» مفاجأة قائلا: «الغريب أن الولد ده لما خلينا حد من معارفنا يكلمه وعرف أننا عملنا محضر ضده سحب ناعم، وقال إن حد هو اللى سلطه علينا وأنا قلت له يقول عن اللى حرضه أمام النيابة، ولكن أنا في انتظار انتهاء التحقيقات».
شاهد البث المباشر:
أكاذيب المتهم:
وأشار إلى أن المتهم عندما تحدث معه ومع ابنته في الرسائل عرف نفسه أنه مهندس ومن المعادى، ولكن بعد القبض عليه تبين أنه عامل في مطعم«
ورفض والد نيرة فكرة التصالح مع المتهم أو التنازل عن القضية قائلا: «مش هاسيب حق بنتى واللى عملناه ده أمان لكل بنت علشان تقدر تعيش في أمان لأن كل واحد هيفكر ألف مرة قبل أن يضايق أي بنت أو يهددها لأنه هيبقى عارف أن مصيره السجن».
يذكر أن وزارة الداخلية، أصدرت بيانا أكدت فيه أنه تم القبض على المتهم، وإحالته للنيابة العامة، وأنه بالفحص تبين أن المتهم سبق وأرسل رسائل مماثلة لعدد من الفتيات.
اقرأ أيضا:
«هدبحها لو اتجوزت غيري».. تفاصيل القبض على المتهم بتهديد شقيقة نيرة أشرف بالقتل في الهرم
«فعلها مع أخريات».. حبس المتهم بتهديد شقيقة نيرة أشرف بالقتل (اعترافات تفصيلية)
محامي قاتل نيرة أشرف يكشف تفاصيل حكم الإعدام: طلبت تحويله إلى «العباسية»