من أمام الكعبة.. قدورة صاحب «وداع يا دنيا وداع» يعلن اعتزاله

أعلن مطرب المهرجانات على قدورة اعتزاله الغناء وأغاني المهرجانات وذلك من أمام الكعبة، متبرئا من كل أعماله التي قدمها في الغناء خلال الفترة الماضية متمنيا أن يسامحه الله على ذلك.
وأضاف على قدورة، الذي اشتهر بأغاني المهرجانات وأغنية وداع يا دنيا وداع مع حمو بيكا وحسن شاكوش: «السلام عليكم في يوم جمعة مبارك أنا على عبدالقادر السيد، الشهير ب(على قدورة) كنت مغني قبل النهارده. في حاجة حصلتلي مش عارف إيه هي بس الحاجة دي هي اللى بتخليني اتكلم دلوقتي».
وتابع «قدورة»، عبر «فيس بوك» :«أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يتوفاني ربنا ويا رب سامحني عن أي حاجة أنا عملتها في حياتي أو أي حاجة صدرت مني، ويا رب قربني ليك وافتحلي باب رزق يرضيك ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضا لأهلي ومش عارف هيبقي الصح إيه وهبقى لا أمتلك إلا الصفر وربنا يثبتني في الطريق ده.. ومش هطول عليكم بس دي نيتي وربنا كريم وكبير وغفور رحيم».