علا رامي تكشف عن تعرضها للخيانة : «واحدة كلمت جوزي وانسحبت بكل هدوء»

كشفت الفنانة علا رامي، أنها تعرضت للخيانة على يد أحد أزواجها، وذلك بسبب تدخل إحدى السيدات والتي كانت تريد أن تكون في علاقة مع زوجها.
وقالت علا رامي خلال لقائها مع برنامج «قعدة ستات» الذي تقدمه الإعلامية مروة صبري على شاشة «القاهرة اليوم»: أيوه اتخانت.. وواحدة كلمته وهو متجوزني وقالها أنا متجوز قالت لأ هاجي واعملك مشاكل ويعني ايه تتجوز وتسبني،انسحبت بكل هدوء ومش بدخل في معارك، حسيت أن ده موقف مش حلو، ويعني ايه يسمحلها تيجي بيتي.
وعن علاقتها بطليقها الفنان نادر أبوالليف، وسبب انفصالها عنه بعد قصة حبهما الشهيرة قالت علا رامي إنها انفصلت عن نادر أبوالليف بسبب الجمهور: الناس فرقت ما بينا، عشان شايفنا اننا مش شبه بعض، الناس كانت بتقول احنا بنحبك لوحدك وبنحب ابو الليف لوحده، مش السوشيال ميديا هي اللي اتحكمت إذا كنا نكمل ولا لأ، احنا سيبنا بعض عشان في تراكمات كتير حاجات بسيطة على حاجات بسيطة فبقت مشكله كبيرة، فقولنا كل واحد يروح لحاله احسن.
واستكملت علا رامي حديثها: بنسأل على بعض لغاية دلوقتي وبنتكلم، وباركتله على جوازه وأطفاله، وربنا يوفقه في حياته، مقدرناش نستمر مع بعض لظروف كتير.