تامر عاشو ل عمرو مصطفى: مينفعش كل ما تطلع تخلي منظرنا وحش (فيديو)

علق الفنان تامر عاشور على خلافه السابق مع الملحن عمرو مصطفى، قائلا إنه «عمود من أعمدة الموسيقى في مصر، لكن لا يصح انتقاده لكل الموسيقيين في بلده وهو لديه مشكلة مع فنان واحد فقط».
وأضاف عاشور في لقائه مع الإعلامية أسما إبراهيم في برنامج حبر سري على قناة القاهرة والناس:«تصريحاته بشأن كل اللي عملوا أغاني مش ناجحين في حين أن فيه ناس كتير عملوا أغاني ناجحة، هو مقالش عليا حاجة وحشة ومش شرط يرمي عليا كلام لكن لما تكلم قدام الناس يبقى كل اللي في بلدك مش ناجحين؟! في حين أن عندك مشكلة مع شخص واحد بس».
وأردف:«لو حابب ينتقدني، ينتقد زي ما هو عايز، يقول الاغاني بتاعته مش حلوة حفلاته مش ناجحة، بيغني دراما بس، يقول كما يشاء لكن محدش نجح خالص غير من على جيتار عمرو مصطفى دي بدعة، مينفعش أنصب نفسي آله للفن واللي ميشتغلش معايا يقع».
واستطرد:«أنا بحبه جدًا ومن الناس اللي تأثرت بفنه لكن لازم يعرف أن فيه ناس بتسمعه وتسمع كلامه مينفعش كل ما تطلع تخلي منظرنا وحش، فيه ناس كتيرة ناجحة».
وأوضح:«لو عندي فرصة أعمل معاه سأعمل فهو فنان كبير وتاريخ كبير وده اللي بيخلي الناس تسمعه وتسمع كلامه ولكن مش عشان عنده موقف مع مطرب واحد يبقى ناقم على كل المطربين الكبار».