بعد استئصال ورم ..آخر تطورات الحالة الصحية للفنانة ياسمين عبد الله غيث

كشفت الصفحة الرسمية للفنانة ياسمين غيث، عن خروجها من غرفة العمليات بعد إجراءها عملية جراحية لاستئصال الورم، إذ انها مازالت داخل العناية المركزة لمتابعة حالتها الصحية.
وكتبت صفحة الفنانة ياسمين غيث حفيدة الفنان الراحل عبدالله غيث، قائلة :«ياسمين خلصت العمليه الحمد لله بنجاح، برجاء الدعاء بتمام الشفاء والتعافي والخروج من العنايه المركزه والمستشفى على خير يا رب انشاء الله، شكرا لكل من دعالها»
وكانت الفنانة ياسمين غيث أعلنت أمس، عن اجرائها عملية جراحية عبر صفحتها بموقع «فيسبوك» وكتبت :«أنا داخلة أعمل عملية كبيرة ودقيقة، 8 الصبح بإذن الله العملية...بايته في المستشفي من النهاردة...مش عارفة هعرف أرد عليكم وأرجع لكم تاني إمتي...عارفة إنكم في ضهري من غير ماطلب، بس لو في يوم كنت مصدر أمل أو أي نوع من أنواع السعادة ليكم...محتجاكم النهاردة قوي تكونوا كدة ليا».
وأضافت :«سامحوني لو زعلت أي حد فيكم في يوم من الأيام، عمري ما كنت أقصد أزعل حد، وأنا مسامحة أي حد زعلني أو أذاني بقصد أو بغير قصد، بحبكم قوي وبتمنالكم زي ما بتتمنولي، .إستودعت نفسي وإبني وجوزي وأخويا وأمي وأبويا وأهلي كلهم وأصحابي الله الذي لا تضيع عنده الودائع».
واختتمت :«إستودعتكم كلكم الله يا ضهري وسندي وعيلتي الكبيرة قوي التانية الذي لا تضيع عنده الودائع، إستودعت الله بيتي وكل حاجة في حياتي الذي لا تضيع عنده الودائع، إستودعتكم الله الذي لاتضيع عنده الودائع، لا إلاه إلا الله..محمد رسول الله».
يذكر أن الفنانة ياسمين غيث، أعلنت منذ سنوات، انتصارها على مرض السرطان، بعد مرور 5 سنوات على إصابتها به، موضحة أنها عاشت تجربة صعبة، مشيرة إلى أنه تبقى عامين وتتخلص من العلاج نهائيا«.
وقالت «غيث» في منشور عبر حسابها الرسمي بموقع الصور والفيديو «إنستجرام»، الخميس، إن «أصعب 5 سنوات مرت، ويبقى عامان من العلاج»، حيث حدد لها الطبيب المعالج 7 سنوات للتعافي تمامًا.
وروت غيث رحلتها مع مرض السرطان منذ أن اصيبت به عام 2016، قائلة :«الحمدلله، 5 سنين سرطان، حياة على كف عفريت زي ما بيقولو لمدة 5 سنين...اللي اتقال لي إن أول 5 سنين همه أكتر 5 سنين critical ولازم نتابع علشان ال cancer ما يرجعش، لسه مش مصدقة، مش عارفة حصل إزاي...صعب وعدوا بصعوبة...قوي...ولسه لغاية دلوقتي بفتكر، بنهار، بحلم بكوابيس إنه رجع تاني وبصحي أصرخ وأعيط وأقول مش عايزه يحصل لي كدة تاني والنبي يا رب».
وأضافت :«بخاف، بعمل check up كل 6 شهور، and it never gets easier...كل مرة نفس الإحساس ونفس الخوف، عدم إحساس بالأمان اللي كنت حاسة بيه زمان وواخداه for granted، كل مرة الدكتور بتاعي يقول لي ماتخافيش، لو عدا أول خمس سنين من غير ما ييجي تاني يبقي بإذن الله مش هييجي تاني، وجه اليوم ده، بعد خمس سنين، من يوم 6/9/2016...اليوم اللي عرفت فيه إني عندي سرطان واليوم اللي عملت فيه العملية».
وتابعت :«عديت بحزن، ألم، وقت صعب، جنان وتشتت، عدم سيطرة على مشاعري وتصرفاتي، فقدان أمل، كره، حب، فرحة، تغيير، خناق، زعل، ناس بعدت...قوي، وناس تانية قربت، وناس قربت وبعدين بعدوا، عصبية، غضب، عدم تقبل لنفسي، أرق وعدم راحة، إحساس إني حد ماعرفوش إتغيرت، بقيت أوجع وعندي قلم أكتر بس أقوى وواثقة من نفسي أكتر، بقيت بساعد غيري وبدي اللي حواليا أمل».
وأكلمت :«حبيت كل حاجة أكتر من الأول ومسكت في الحياة أكتر وابني روح قلبي كان أملي إني أكمل وأعيش علشان مكنتش قادرة أقبل فكرة إني ماشوفوش بيكبر، ألف حمد وشكر ليك يا رب عدد كل حاجة خلقتها، مهما شكرتك وحمدتك وعملتلك، عمره ما هيبقى كفاية! شكرًا إني لسه عايشة وبعافر...شكرًا على أكبر نعمة في حياتنا، اللهم ديم علينا جميعا يا رب نعمة الصحة».
واختتمت :«أصعب 5 سنين عدوا، فاضل 2 علشان أخلص بقيت علاجي....أيوة علاجي لمدة7 سنين».