«أول ست لمس ايديها كانت مراته» على الحجار يكشف تفاصيل عن شقيقه الراحل

كشف المطرب على الحجار تفاصيل عن شقيقه الراحل الملحن أحمد الحجار، حيث أكد أنه لم يكره أحد يومًا ولم يلمس يد إمرأة سوى زوجته
وأضاف في لقاءه مع برنامج its showtime على قناة cbc: «الفرق بيننا سنة وخمس شهور، كنا أصدقاء جدًا، والعادات والتقاليد التي تربينا عليها واحدة، كل حاجة اتربينا عليها بنفس الطرق».
وتابع: «الفرق الوحيد أنه كان عنده تسامح أكتر مني، وكان صبور جداً، وأول ست لمس إيديها مراته، وعنده خير كتير جداً وعمره ما كره أو دعى على حد، فيه كتير من أبويا الله يرحمه».
واستطرد: «موهبته كبيرة جداً، ولكن موهبة أنه يقدم نفسه للناس ازاي مكنتش عنده ومكنش مهتم بالحاجة دي، كان بيعمل الفن عشان بيحبه فقط».
وأردف: «اللي كان بيميز أحمد الحجار كملحن هو المخزون، فمخزونه كبير جدا، أغنية عود غير أغنية الشتا يدق البيان، غير أغانيه في فيلم أمريكا شيكا بيكا، ولحن لي مسرحيات كثيرة جداً، التلحين في المسرح تشخيصي، فكان بيخلي أشرف عبدالغفور يغني، بيقعد مع الممثل ويخليه يغني وهو مرتاح، فالتلحين التشخيصي عنده أكتر من التطريب».