محمد هنيدي ل بهاء سلطان: «أنت علامة من علامات مصر وصوت وموهبة»

علق الفنان محمد هندي، على منشور المطرب بهاء سلطان، جاء نصه: «يا بهاء يا حبيبي إحنا اللي لينا الشرف.. أنت علامة من علامات مصر وصوت وموهبة وأداء ما فيش زيه ومحبة حطها ربنا في قلوب الناس ليك سواء صغير أو كبير».
وأضاف هنيدي: «وإن شاء الله الكام سنة اللي اتحرمنا فيهم منك عايزينك تعوضهم لينا وتكسر الدنيا أكتر وأكتر».
كان الفنان بهاء سلطان وجه رسالة إلى الفنان محمد هنيدي، بعدما قام الأخير باستبدال وجه بهاء بوجهه في البوستر الدعائي لأغنية بهاء الأخيرة «دلوقتي عجبناكم»، موجها الشكر له.
وقال بهاء سلطان خلال لقاء مع برنامج et بالعربي: «بشكره، والمصحف على راسي، والله العظيم على راسي يا أستاذ محمد وحياة ربنا، ربنا يخلي حضرتك، أنا ليا الشرف والله، أنا مبسوط إن الحاجات دي وصلتله».
وكان الفنان محمد هنيدي، مازح المطرب بهاء سلطان بشأن ظهوره ب«نيولوك» جديد في أغنية دلوقتي عجبناكوا، إذ نشر صورة عبر حسابه الرسمى بموقع التواصل الاجتماعى فيس بوك مشبهًا فيها نفسه ب«السلطان»، وعلق عليها: «الصورة بدون فلاتر أو أي تعديل.. بس ياريت متقلدنيش تانى يا بهاء.. واخد كل تفصيلة.. مبروك على الألبوم الجديد».