شوبير: الأهلي مش هياخد المركز الثاني وما تحكموش على سواريش دلوقتي

طالب الإعلامي أحمد شوبير حارس مرمى الأهلي ومنتخب مصر السابق كل من ينتقد البرتغالي ريكاردو سواريش المدير الفني للفريق الكروي الأول بالنادي الأهلي بعدم انتقاد الرجل في الفترة الحالية ومنحه الفرصة الكاملة خلال الفترة المقبلة.
وفقد الأهلي نقطتين جديدتين في مشوار الدوري هذا الموسم بعدما تعادل مع ايسترن كومباني سلبيا ليقضي على أي أمل لدّى جماهيره في إمكانية بقاء المنافسة على لقب الدوري كما تضاءلت حظوظه في إنهاء الموسم في المركز الثاني.
وقال أحمد شوبير في تصريحات إذاعية صباح اليوم الخميس :«الأهلي لعب مباراة جيدة مع ايسترن بس عموما الاهلي غالبًا مش هياخد المركز الثاني والزمالك هيكسب الماتشين اللي عايزهم لحد ما يكسب البطولة».
وأوضح أحمد شوبير: «عموما البطولة سوف تحسم في اخر جولتين بس حلو نفضل شايفين منافسة لآخر لحظة، وبقول لكل اللي لاموني لما قولت للزمالك مبروك الفوز بالدوري يراجعوا نفسهم».
وأضاف شوبير :«الشيء المهم اللي عايز أقوله حضرتك لا تحكم على سواريش إنه حلو ولا وحش دلوقتي، والراجل امبارح بعد مباراة الأهلي وايسترن في المؤتمر الصحفي قال كلمة مهمة جدا قال: خلاص يا جماعة مش مشكلة أنا حاطط نفسي في موضع الانتقاد والنقد لكني هكمل المشكلة وأبدى سعادته بالولاد الصغيرين وبالناشيء ميدو نبيل، والخلاصة الأهلي بدأ يشتغل على الموسم الجديد».