«الإنسانية والأخلاق راحت فين».. لقاء الخميسي تنتقد ما حدث مع حارس مرمى الاتحاد السكندري

كشفت الفنانة لقاء الخميسي عن رأيها فيما حدث من بعض جمهور الاتحاد السكندري مع حارس مرماه أحمد يحيي، حيث هاجمته وعنفته بشدة، مما أدى إلى خروجه من الملعب باكيًا رافضًا لاستكمال اللعب، حيث كتبت على صفحتها الشخصية على موقع الفيس بوك نصًا: «الحقيقة أن الواحد ساكت بقاله سنين بس اللي حصل النهارده لا يسكت عليه! الأخلاق راحت فين ؟! الإنسانية راحت فين؟ ايه بجد اللي حصل للناس؟! مشهد بائس ومخيف ولا يمت للإنسانية بصلة.. أحمد يحيي حارس مرمى الاتحاد السكندري.. حارس مرمى مثابر ومجتهد وإنسان خلوق وشاب في بدايات مستقبله، توفى أخوه من يومين ونزل الملعب ولعب ووقف وصد وعمل اللي عليه كله والأخطاء ماتخصوش وحتى لو تخصه ودا مش حاصل!، ليه الاهانات ليه الشتيمة ليه التعدي بألفاظ خارجة ليه كل دا.. يا عالم دي رياضة رياضة مش خناقة ما بين بلطجية دى متعة مش تعنيف!، ايه بقى امتى هاتفهم أن لاعب الكرة بني آدم بيؤدي شغله وبيحس وبيحلم وعنده أهل بيزعلو أما بيتهان وهما يتهانو معاه وعنده أم بتزعل وزوجة بتتجرح على جرحة.. كفاية بقى كفاية تكرهوا الناس في عيشتهم وشغلهم اللي بيبذلو فيه مجهود وبيحبوه.. ماحدش ليه حق مطلق في الشتيمة والإهانة.. أي حد بيشتم هل يقبل أنه يتشتم ويتهان! هل تقبل دا عليك وعلى أهل بيتك.. اتقوا الله بقى اتقوا الله».