تعليق لقاء الخميسي على الواقعة

علقت الفنانة لقاء الخميسي، على واقعة حارس فريق الاتحاد السكندري لكرة القدم، الذي رفض استكمال مباراة فريقه ضد سيراميكا، أمس الخميس، بسبب هجوم الجمهور عليه.
وأصر حارس الاتحاد على خوض المباراة في ظل مروره بحالة نفسية سيئة لوفاة شقيقه قبل موعد المباراة بيوم واحد فقط.
تعليق لقاء الخميسي على الواقعة
وقالت لقاء الخميسي، في منشور عبر صفحتها الرسمية على موقع التواصل الاجتماعي "فيس بوك"، "الحقيقة إن الواحد ساكت بقاله سنين بس اللي حصل ده لا يسكت عليه!، الأخلاق راحت فين ؟!، الإنسانيه راحت فين؟، ايه بجد اللي حصل للناس؟!".
وتابعت: "مشهد بائس ومخيف ولايمت للإنسانية بصلة، أحمد يحيي حارس مرمى الاتحاد السكندري .. حارس مرمى مثابر ومجتهد وإنسان خلوق وشاب في بدايات مستقبله، اتوفى أخوه من يومين ونزل الملعب ولعب ووقف وصد وعمل اللي عليه كله والأخطاء ماتخصوش وحتى لو تخصو ودا مش حاصل !، ليه الإهانات ليه الشتيمة ليه التعدي بألفاظ خارجة ليه كل دا؟ .. ياعالم دي رياضة رياضة مش خناقة مابين بلطجية".
وأضافت: "دى متعة مش تعنيف! ، ايه بقى.. امتى هاتفهم أن لاعب الكري بني آدم بيؤدي شغله وبيحس وبيحلم وعنده أهل بيزعلو أما بيتهان وهما يتهانو معاه وعنده أم بتزعل وزوجة بتتجرح على جرحه، كفاية بقى كفاية تكرهو الناس في عيشتهم وشغلهم اللي بيبذلو فيه مجهود وبيحبوه، ماحدش ليه حق مطلق في الشتيمة والإهانة، أي حد بيشتم هل يقبل أنه يتشتم ويتهان !!!، هل تقبل دا عليك وعلى أهل بيتك، اتقوا الله بقى اتقوا الله".
خسارة الاتحاد أمام سيراميكا
وكان أحمد يحيي حارس الاتحاد رفض استكمال المباراة بعد الهجوم عليه هو وزملائه بالفريق، وخرج منهارًا وهو يردد "والله ما هلعب كورة تاني".
وفاز فريق سيراميكا على الاتحاد السكندرى بخماسية نظيفة، أمس الخميس، فى المباراة التي جمعتهما ضمن مباريات الجولة ال24 من عمر مسابقة الدورى المصرى الممتاز.