التاريخ المنتظر

من بكره ح تشوفوا شكل النيل مايته صافية وتشفى عليل.. وأى مواطن يمشى ف الشارع ح يلقى كراسى وفيه تظليل.. والأتوبيس فاضى مش زحمة واللى ح يركب ياخد كيلو لحمة.. والكمسرى ينزل ياخد ايدك ولو معاك شيلة شييلوا ح يشيل.. وحنخلى الناس ماشية وفرحانة وحنلغى كلمة الصبر جميل.. وكل الناس ح تعيش ف خير ما هو أصل الخير ف بلدنا كتير.. حكومتكوا يا شعب حكومة قوية بجد حكومة ماتعرفش التقصير.. وأحلى حاجة فى ايديكوا كشعب إنكوا تقدروا تحاسبوا أى وزير.. طبعاً ماهو الشعب اللى جايبها حببها حكومتنا ماجتش ب التزوير.. حد ح يسألنى إمتى القرارات دى ح تتنفذ إن شاء الله «أول أبريل»!