حلم بسيط

طفل صغير.. عمره ما كان مرة متحير.. حلمه بسيط.. حلمه يشوط الكورة ويجرى وراها.. حلمه يقابل بنت جميلة يلعب وياها.. نفسه يطير.. نفسه فى لمّة.. وناس كتير.. يفرح وياها.. طفل صغير ماسك إيد مامته يبوسها.. بص فى عينها لقى جواها دموع.. جه يسألها ضحكت عشان تخرج م الموضوع.. كبر الطفل وكبرت وياه الأحزان.. بس الأحلام زى ما كانت.. يمكن تاهت عنه فى لحظة فى وسط الضلمة.. يمكن محتاج تانى اللمة.. ونفسه يشوط الكورة ويلعب.. يمكن صعب عليه اللعب لا يتعب.. بس أهو حاول ورجع أحلامه من تانى.. بس فيه حاجة ناقصاه تانى.. فكر فيها.. أتاريه نفسه يعرف وهو صغير.. لما بص فى عين مامته ليه لقى جواها دموع.. وبقى متحير.. حاجة تحير!