بعد وفاتها بأيام.. أبناء نادية العراقية يحيون ذكرى ميلادها: «كان نفسنا نحضنك» (فيديو)

أحيا مي وآدهم محروس أبناء الفنانة الراحلة نادية العراقية ذكرى عيد ميلادها ونشروا فيديو يحمل صور ومقاطع لها من حياتها وأعمالها ونشرت مي محروس ابنة نادية العراقية الفيديو عبر حسابها الرسمي على موقع فيسبوك وكتبت: «ماما اول عيد ميلاد ليكي متبقيش جنبنا ومعانا أكيد انتي دلوقتي في الجنة ومبسوطة مع الملائكة وتيتا وجدو وإخواتك.. كان نفسي اقولك كل سنة وانتي طيبة وابوسك واحضنك واعملك مساچ زي ما كنتي بتحبي».
وتابعت مي: «والله يا ماما انا مش مستوعبة إنك خلاص مشيتي وسبتينا من غيرك اتكسرنا من غيرك يا أمي انا فعلاً مش قادرة اعيش من غيرك انا عايزاكي وعايزة اشوفك بس عارفة انه مينفعش لأنك عند ربنا الرحمن الرحيم واكيد مبسوطة».
وواصلت: «شكراً يا ماما على كل لحظة عشتيهالنا وعلى كل لحظة ضحكتينا وطبطبتي علينا انا بحبك اوي بجد يا روحي.. دايماً كنتي بتحمينا وحتى لما مشيتي بتحمينا.. انا بحس بيكي حواليا وبحس بانك بتطبطبي علينا الحمدلله ربنا مصبرنا بس احنا موجوعين اوي يا ماما محدش فينا مستوعب احنا حاسين انك مسافرة زي كل مرة وراجعة تاني وسطنا».
واختتمت ابنة الفنانة نادية العراقية: «عمري ما كنت اتخيل اني هكتب كده ولا اني هحس الاحساس الصعب ده كنت دايماً واثقة انك هتفضلي عايشة وربنا هيفتكرني قبلك بس ربنا أراد حاجة تانية.. الحمدلله ماما الله يرحمك ويكرمك بجنته وسامحيني على أي حاجة كل سنة جاية وانتي في الجنة وبين ايدين ربنا.. بحبك وتعاليلي في الحلم اشوفك».
وتوفيت نادية العراقية أو فاتن فتحي قبل أيام عن 57 عاما بعد إصابتها بالتهاب رئوي حاد كأحد مضاعفات فيروس كورونا المستجد.