بعد فيديو الراقصة وصورة «الكعبة».. عمر كمال لمتابعيه: «هتشيلوا صفة مسلم وتكفروني»

هنأ مطرب المهرجانات عمر كمال جمهوره ومتابعيه بالمولد النبوي الشريف بصورة من الحرم المكي، حيث قام عدد من متابعينه بمهاجمته بسبب طرحه فيديو يجمعه بالراقصة البرازيلية لوردينا وحمو بيكا على أغنية «أنتي معلمة»، قبل ذلك بساعات قليلة.
ونشر «كمال» الصورة عبر صفحته الرسمية بموقع التواصل والصور الشهير انستجرام، معلقا: «كل سنة وأنتوا طيبين بمناسبة المولد النبى الشريف»، ليرد عليه أحد المتابعين: «انت جاي تضحك علينا بعد ما كنت مع الرقاصة (..) بس حركة مستفزة أوي».
أضاف: «إزاي من ساعة منزل فيديو مع رقاصة تنزل صوره وانت في الحج وبتقول رسول الله، طيب إزاي انت كده زي اللي شرب خمرا وراح صلى ومقتنع انه صح والغريبه إنك زعلان وعايز تقنعنه إنك صح لا».
ورد عمر كمال على متابعينه، قائلا: «منزل بوست بهني الناس بمناسبة انى انا واحد مسلم بقول لا اله إلا الله محمد رسول الله، ملهوش علاقة بشغلى، وده يوم ف الحرم بعمل شعائر دينية لربنا اللى علاقتى بيه محدش ليه دعوة بيها».
أضاف: «إيه علاقة فيديو شغلى بانى أهنئ الناس بمناسبة دينية بما انى مسلم، ولا هتشيلوا من عليا صفة مسلم وتكفرونى ومش من حقى كمان احتفل بالرسول اللى انا مؤمن بيه وطلعت بحبه بالفطرة».
يذكر أن المطرب عمر كمال يستعد لطرح أغنيته الجديدة «أنتي معلمة» بالاشتراك مع مغني المهرجانات حمو بيكا.