أحمد يونس يكشف تفاصيل جديدة عن وفاة نجل شقيقته: «عمري ما تخيلت إني أغطي حادث لابني وصاحبي»

أطلق الإعلامي أحمد يونس صفحة عبر موقع التواصل الاجتماعي «فيسبوك»باسم نجل شقيقته الذي توفي في حادث أليم مؤخرا اثناء عودته من مدرسته.
ودعا «يونس» متابعيه وجمهوره للانضمام إلى تلك الصفحة التي أكد أنها للمطالبة بعودة حق نجل شقيته ومحاسبة المتسببين في وفاته، وكتب«يونس»:«إنا لله وإنا إليه راجعون..ابن اختي مصطفى في ذمة الله في حادث اتوبيس مدرسة ..أرجو من اهل الصفحه الكرام الانضمام لصفحة فقيدنا مصطفى ابن اختي ..لأنها ستكون صدقة جارية على روحه باذن الله..لا أراكم الله حزنا على أحبابكم».
كما كشف «يونس» لأول مرة عن تفاصيل تلقيه نبأ الحادث، حيث تلقى مكالمة من شقيقه خلال تواجده في الاستديو لحظة إبلاغه بالحادث، حيث كان يقدم برنامجه الإذاعي، وقال:«يوم وفاة ابن اختي 12 اكتوبر الحزين الصبح..كنت في برنامجي الصباحي عالراديو..ودايما بيكون عندي تقرير مروري، فاذا بي أتبلغ بحادث مروري في التجمع الخامس بين أتوبيس مدرسة وأتوبيس رحلات وتسبب في وفاة طفل 13 سنة والباقي إصابات«.
وتابع«يونس»:«قلبي وجعني على ام وابو الطفل وقولت بالحرف يا قهرتهم على ضناهم، وطلعت من الاستوديو اتاكد من كل زمايلي إن ولادهم وصلوا مدارسهم بسلامه الله، فاتطمنت الحمد لله، ورجعت الاستوديو اكمل شغلي كانت الساعه 8،10 الصبح، فاذا بي اتلقى مكالمه تليفونيه من اخويا الكبير بيقولي مصيبه يا احمد مصيبة، حسيته إنه هيقولي أمك ماتت، لكن لاقيته بيقولي، مصطفى ابن اختك سماح مات في حادثة أتوبيس مدرسة».
وأضاف «يونس» وهو يحكي متأثرا: «الجملة نزلت على صعقتتي في كل جسمي، قفلت السكة في وشه وفضلت أقوم وأقعد زي المجنون وأنا مش مدرك اللي سمعته،وعمال أقول لا ده اكيد كابوس وهصحى منه اروح الشغل عادي، سيبت اليرنامج ونزلت أجري، وأنا مش عارف أعمل إيه، ولا اتصرف ازاي، لحد ما روحت ولاقيت الكل موجود عند تلاجه ال-----، ولاقيت أختي سماح في ثبات وتماسك ومفيش على لسانها غير راضية يارب إنا لله وإنا إليه راجعون، الحمد للهاللهم أجرني في مصيبتي، وبقت تسكتني، وحواليها صحبه من صديقاتها اللي بدعي لهم ربنا يكرمهم زي ما اكرموها وسندوها لحد يومنا هذا.. ونعم الصحبه بجد،ولاقيت حازم والد حبيبي مصطفى في صمت وذهول عمري ما هنساه».
وأوضح: «هنا كل اللي مر عباره عن شريط أسود مفيهوش نقطة بيضا لحد ما ربنا كرمني إني غسلته بنفسي واتطمنت عليه وخدته في حضني احن حضن في حياتي كلها،عمري ما كنت متخيل اني إغطي حادث وفاة طفل واكتشف انه ابن أختي «ابني وصاحبي وحبيبي»، عمري ما كنت متخيل ان الحوادث اللي بنسمع عنها وارد نمر بيها».
وطالب «يونس» حق نجل شقيقته، وتابع: «حق ابننا مصطفى لن يضيع واذا ابوه وامه سكتوا عنه بسبب الفاجعة اللي هم فيه أنا مش هسكت عنه، عارف انه ابننا مش هيرجع ،بس ع الأقل حبيبي يكون سبب في وجود شوية ضمير عند معدومي الضمير،احضنوا اطفالكم ومتزعلوهمش واسمعوهم، وادعوا دايما ان ربنا ينجيهم من شر الحوادث والفواجع، وادعوا لأم مصطفى وأبوه ولنا ولكل أم فقدت طفلها بالصبر، مع السلامة يا حبيبي».
https://www.facebook.com/mostafaelshoni/