السيسي يستجيب لطلب كامل الوزير (فيديو)

استجاب الرئيس عبدالفتاح السيسي، السبت، لطلب اللواء كامل الوزير، رئيس الهيئة الهندسية للقوات المسلحة، والخاص بمشروعات تنمية شرق بورسعيد.
وقال «السيسي»، خلال متابعته أعمال تطوير ميناء شرق بورسعيد والمنطقة الصناعية، السبت، إن «بتكلمني يا كامل على إننا ممكن نتأخر»، رد الوزير: «كنا ماشين كويس جدا، بس فعلا هناك قيود موضوعة وإحنا معاها كلنا، عشان السولار اللي بيعدي يسطر عليه، والعمالة اللي بتعدي لازم يتفحصوا، والمواد المحجرية بعتمد على محاجر المغارة والحركة فيها مقيدة، لو استبدلنا المغارة بالسويس تكلفة المتر المكعب من السن ستكون ضعف التكلفة، يا فندم احتمال يحصل تأخير في تتنفيذ المشروع، ولكن نبذل قصارى جهدنا ونسقنا مع الفريق مهاب مميش وزودنا ب3 معديات، ونسقنا مع وزير الدفاع وقائد الجيش الثاني، بنفتش ونؤمن وبنقدر نعدي يوميا ما بين 50 إلى 60% من احتياجاتنا، ومع إجراءات التأمين ولازم ننفذها، تمسح لنا بالتأخير من شهرين إلى 3 أشهر، كنا هنخلص في شهر 6 احتمال يصل مدة التنفيذ لشهر أكتوبر».
وقال الرئيس إن «المشروع تأخر تنفيذه قبل كده، تكلفة المتر ليكون جاهز للطرح 1500 جنيه، بتكلم في 40 مليون متر بتكلفة 60 مليار جنيه، عشان منظلمش التجربة بتاعة الآخرين، لو الأموال موجودة المشروع هيتعمل، كان لينا إرادة لتعمير سيناء، شرق القناة جزء من سيناء، لوشفتوا الأنفاق والمشروعات اللي بتتعمل هتتكلف كام دي أرقام كبيرة».
وتابع: «عملنا مسار عمل حقيقي وإصلاح اقتصادي وتمكنا من توفير الأموال، لما قولنا للمصريين اتبرعوا لصالح قناة السويس جمعنا 64 مليار جنيه، لم يتم إنفاق المبلغ على القناة الجديدة فقط وإنما أيضا في الأنفاق والشغل اللي بيتعمل وبكمل عليه»، مضيفا: «بدأنا في القناة والأنفاق والمنطقة الصناعية شرق بورسعيد، تنفيذ المشروع مرتبط بقدرتننا على تمويل المشروع من عدمه».
وأردف السيسي قائلا: «مش هقول إن 3 شهور أو ال4 شهور كتير أنا موافق، وهنراعي الإجراءت الأمنية اللي بتتعمل وهنخلص الموضوع، أرجو تنظيم الحركة من شرق القناة إلى غربها فيه مصالح كتير لناس لازم تتنظم عشان الدينا تمشي».
ويستعد الفريق مهاب مميش، رئيس هيئة قناة السويس ورئيس الهيئة العامة لتنمية المنطقة الاقتصادية لقناة السويس، واللواء كامل الوزير، رئيس الهيئة الهندسية، واللواء عادل الغضبان، محافظ بورسعيد، والمهندس فهيم سامي سعد، رئيس مجلس إدارة شرق بور سعيد للتنمية لاستقبال الرئيس السيسي.
كما يستعرض مميش واللواء كامل الوزير، المشروعات القومية بمنطقة شرق بورسعيد، أمام الرئيس السيسي.
ويتفقد الرئيس السيسي، السبت، مشروعات منطقة شرق بورسعيد (ميناء بحري- منطقة صناعية- مزارع سمكية) ببورسعيد، وذلك في إطار جولات الرئيس التفقدية لمواقع العمل والإنتاج بكل أنحاء الجمهورية لمتابعة تطورات الموقف التنفيذي للمشروعات الكبرى الجاري العمل بها.