للمصريين فقط

أنا مش بتفلسف ... واللي يفهم غلط أنا ليه بتأسف ... ويا أخويا وصحبي الكلام مش بيكلف ... أسمع للأخر ولو معجبكش قول الراجل ده بيألف
أنا مش حتكلم عن زمان ... ولا حأقول اللي كان وكان ... أنا حاتكلم من الآن واللي جاي بأذن الرحمن
اللي بيفكر يكون أحزاب ... واللي بيعمل كتاب ... وأفكار منها جميل ومنها هباب
وانتخابات رئاسية عايزة أصوات الكبار والشباب ... الخلاصة وسط الزحمة دي في الصادق وفي الكداب
نقدر نقول صفرنا العداد ... حتى الحزب الوطني حلوة ومن غير أحقاد ... وأتجمع الأفراد ... والكل عندهم أفكار ومباديء جداد ... وكلامي مش أنتقاد ... كلامي بأذن الله للخير ولاد
أهم حاجة يا أبطال ... نحافظ على أستقرار الحال ... وهدفنا يكون البناء في كل مجال ونحارب كلنا الظلم والمحسوبية والرشوة وأي أندال
كتر خرهم غيروا المحافظين ... اللي كنا منهم مخنوقين ... وعلى قلوبنا كانوا قاعدين
واحنا مش عايزين ... غير اللي يعمر بلدنا مش اللي ليها نهبين وخربين
اما المجالس المحلية ... من غير كوسة ولا تقليه ... ومش عيزين عصبيه الي يخدم احطه في عنيه ... والي بيحب نفسه وعنده انانيه ... يروح يقعد في حته مداريه اصلنا تعبنا وعيزين نعيش عيشه هنيه
وبالنسبه لمجلس الشعب ... خلاص مفيش خوف ولا رعب ... الي عيزينه بامانه ننتخبه وده مش صعب ... والي مش عيزينه نديله بالكعب ... مصلحة بلدنا يا جماعه في ايد الشعب
ونيجي لانتخابات رئيس الجمهوريه ... رمز البلد في الفتره المستقبليه
انا مش حتكلم على حد معين ولا حاسمي ... عشان ماسمعش حد يقول انا اتحرق دمي
ولا برشح خال او عمي ... انا كل همي ... الي يحكمنا لينا يخدم ولبلدنا يحمي
ربنا انعم علينا بالحريه والانتصار ... لازم نركز في الاختيار ... وماتخفاش علينا اسرار ... ولازم يكون رئيسنا من الاحرار الابرار ... وبلاش نعتمد على الاقدار
نعمل الي علينا ونتوكل على الله الجبار
نسمع ونسمع للمرشحين ... ونعرف هم على ايه نويين ... واحنا برده مش سكتين
في اعمالنا شغالين ... وللجهد بذلين ... وعلى الله متوكلين
اللهم ولي امورنا خيارنا ... ولا تولي امورنا شرارنا ... اللهم انت المعين فكن عونا لنا