أنا مصرى

مش مُعجب بالشماتة تيجى من بعض (الكباتن)
ولا مُعجب بالتباتة ولا بالنهر اللى ساكن
أنا مُعجب بالشجاعة أنا مُعجب بالتحدى
مش تحلية بضاعة ولا سكة عشان أعدى
أنا مُعجب بالولاء أنا مُعجب بالتصدى
مُعجب بشعور علاء حسيت فى عروقه نبضى
أنا مصرى أصيل وطالع فى الأصل أكيد لجدى
مناخيرى لفوق تملى لو كل الكون دا ضدى
مليون مكروه حصل لى لكن طول عمرى بادّى
ولا حد ف يوم وصل لى ولا جده.. زى جدى
مزنوق.. ميسور بصلى والأزمة أكيد تعدى