مصر الى اين؟

ياترى مصر رايحه على فين؟سؤال نفسى حد يجاوبنى عليه كل يوم بييجى عليناأسوأ من اليوم اللى قابله بطاله وقهر وظلم وسرقه وفساد وبلطجه ياترى هل هي دى مصر ياترى الوزير اللى ماسك منصب حاسس بمعاناه الشعب البائس الجعان ؟ لكن ياأخوانا ارجع واقولكم ان اللى مدقش الفقر عمره ماحيكون حاسس بالفقير .علاجات على نفقه الدوله للوزراء والحاشيه التابعه للنظام فقط.افخم سيارات وافخم لبس وافخم حفلات ياترى كل ده من جيب مين.اين بيت مال المسلمين؟ اين دخل قناه السويس؟اين دخل الاستثمارات والمشاريع التى يتحدث عنها سياده رئيس الوزراء؟ وليه محدش من الشعب بيعم عليه اى شىء منكم ياسياده رئيس الوزراء؟ ام انكم وحدكم اصحاب البلد والشعب من بلد تانيه عشان تطلع سيادتك وتقول الشعب مبسوط والاماره ان عدد التكييفات زادت . وأى عاقل يصدق الكلام ده؟ معلش ده كلام ميصدرش عن رئيس وزراء عاقل أبدا كفايه إستخفاف بينا بقى وكفياكم نهب وسلب ومص فى دم الشعب المسكين وحاسبوا انفسكم قبل ان تحاسبوا وأعلموا انكم ستقفون بين يدى الله تعالى يوم لاينفع مال ولا بنون .وكما قال تعالى (واتقوا يوما ترجعون فيه الى الله ثم توفى كل نفس ماكسبت وهم لايظلمون) أتقوا الله فى شعب مصر.