«إمسك فلول» الإخوانية تدعو لشل حركة القاهرة باعتصام «إجباري» للمواطنين في المترو

دعت حركة «إمسك فلول»، المقربة من جماعة الإخوان المسلمين، أنصار الرئيس المعزول محمد مرسي إلى تنظيم اعتصام غير ملحوظ ليكون اعتصام «مدني إجباري» في محطات للمترو، الأحد، بشكل يساعد في إنزال الخسائر في إيرادات الشبكة.
وأضافت الحركة في دعوتها للحدث على «فيس بوك»، أن اعتصامهم سيبدأ من الساعة السابعة إلى العاشرة صباحاً ومن الثانية إلى الخامسة مساءاً، موضحة أنهم سيلعبون مع «الإنقلابيين بذكاء ... هانعطلهم حركة السير لأن المترو هايبقي زحمة جدا وبكدا هانشل حركة القاهرة ونعملهم اعتصام مدني إجباري وفي نفس الوقت هانعملهم خسائر لأنك راكب 3 ساعات بجنية واحد».
وتابعت: «هانلعب مع الإنقلابيين بذكاء مش هانسيبلهم بلدنا مش هانسلملهم هانبقي أذكي منهم وهانعمل اللي عمرهم مايتخيلوه.. هاتقولولي إزاي ؟!!.. بص ياثوري واسمعيني ياثورية هانعملهم اعتصام مدني إجباري مسالم من غير ولا نقطة دم ومن غير كمان مايعرفوا بنعمله ازاي :D وكمان مش هايكلفنا حاجة كل الحكاية تذكرة مترو بجنيه واحد».
وقالت «إمسك فلول» إنها المشاركون في الدعوة سينزلون «قبل معادنا بساعتين أو تلاتة وناخد لفة بالمترو بس كدة ولا حد عارفنا إحنا مين ولا معانا إشارة توضح هويتنا ولا هانهتف ولا هانقول نبقي ناس عادية جدا وهانقطع تذكرة مترو واحدة ونفضل راكبين بيها المترو لمدة 3 ساعات».
وأوضحت: «هاتقولي وأعمل أنا إيه بقي في ال 3 ساعات دول.. أقولك ياسيدي .. طلع كتاب وأقعد إقرأ فيه، خليك أنت وشوية من أصحابك واتكلموا في المواضيع اللي بتضيعوا عليها رصيد التليفونات وبالذات البنات أنا عارف.. منه توفير ومنه نقابل أصحابنا بدل الكافيهات .. طلع موبايلك واتصفح وشات علي الفيس .. وإن ماعملتش كل دا أقعد استغفر ياسيدي وأذكر ربنا وأهو كله بثوابه :).. هانقول للعسكر يسقط يسقط حكم العسكر بس من غير صوت من غير مايعرفونا ^_^».
وتأتي هذه الفعالية ضمن جدول الفعاليات التي يعتزم أنصار مرسي تنفيذها على مدار شهر سبتمبر، والتي بدأت بما سُمي مظاهرات «الزحف إلى رابعة»، التي نظموها الجمعة الماضية، إضافة إلى الدعوة لإضراب عام في 22 من نفس الشهر، على أن يشهد 6 أكتوبر المقبل «مليونية النصر»، حسب دعوات جماعة الإخوان.