على «فيس بوك»: اللى مالوش فى السياسة يبقى من «الظباط الشطار»

«صوت يمكن يخلى اللى جاى أحسن» تحت هذا الشعار وبتوقيع القيادة العامة «للظباط الشطار» أطلق عدد من الشباب «جروب» على موقع «فيس بوك» باسم «الظباط الشطار» يضم 130 شاباً.
يقول المشرفون على الجروب فى بيانهم التأسيسى «احنا صوت اللى مالهومش فى السياسة قررنا أن يكون لينا فى السياسة وأن يكون لنا رأى فيها من غير إضراب أو تكسير أو تخريب»، وأوضح البيان أن الظباط الشطار صوت حقيقى لنبض الجماهير وهو جروب لكل المصريين أطفالاً وشبابًا وكباراً.
وعن طريقة المشاركة فى «الجروب» قال البيان: «اتكلم ومتخافش ومتزعقش» أرسل رأيك فى كلمة أو عبارة، غنى أو ابعت أغنية توضح رأيك، ارسم صورة لبلدك وخلى صوتك يتكلم عنك «وطنى أو وفد أو تجمع أو غد» أو حتى مش منتمى لحزب، مش مهم مؤيد أو معارض، المهم يكون صوتك أنت، ويصف البيان المجموعة بأنها صوت ساخر أحياناً وناقد أحياناً وإيجابى طول الوقت.
ويؤكد البيان فى نهايته ملاحظة مهمة أن ال«جروب لا يتبع حزبًا أو أى جهة سياسية أو أدبية أو عرقية ولا صلة له بضباط الشرطة أو الجيش، وأنه ليس ضروريًا أن تكون مفكراً أو كاتباً سياسياً لكى تتكلم فى السياسة لأنها هى نبض الشارع الحى».