بالفيديو.. «القرموطي» يظهر بشمعة في «مانشيت».. ويسأل: «فين نور النهضة؟»

فاجأ الإعلامي جابر القرموطي، مساء الثلاثاء، مشاهدي برنامجه «مانشيت» على فضائية «أون تي في»، بظهوره ب«شمعة» أمامه دون إضاءة أنوار الاستديو، احتجاجًا على تكرار انقطاع التيار الكهربي.
وقال «القرموطي» خلال الحلقة، موجهًا حديثه للمشاهدين: «حاولنا نعيش معاكو الحالة اللى إحنا عايشينها بقالنا كام يوم، الفترة الأخيرة بقى بيقطع بدرجة تضايق كل الأسر، وفيه أسر عندها امتحانات، المصيبة إن امتحان العربى طلب من الطلاب الإجابة على سؤال للطاقة الشمسية وإحنا أصلا مش عارفين نتحكم فى الطاقة العادية .. والدولة بتضحك علينا فى حاجات كتيرة من بينها موضوع الكهرباء».
وأضاف: «فكرنا نشارك حضراتكم شعوركم بانقطاع الكهرباء بالطريقة اللى بتضايقكم»، متسائلًا «هوة فين نور النهضة اللى إحنا كنا بنتكلم عليه الفترة اللى فاتت واللى الحكومة دايما تقول عليه .. أين نور النهضة ؟».