غريب أمر الناس الأيام دي

محناش عارفين مين مع مين ولا مين ورا مين ولا مين شغال لحساب مين.
تحتار لو تنظر بعين الفاحص محدش عارف المسؤلين عن الدعاية للمرشحين المحتملين للرياسة، هل هم أنفسهم الذين يتم لصق صورهم أم ناس تانية هدفها البلبلة وإثارة الفتنة السياسية، ناس بتلعب من ورا الحيطة تحتار لو تابعت الموقف باهتمام هل أصحاب الصور والمنشورات علي درايه بما يتم أم هم في معزل والأمر وراه ناس خارجية بتمول العمليات دي من أجل البلبلة وإثارة الفتنة السياسية، ناس بتدعم البرادعي رغم الرفض شبه العام لمبادئه وخاصة بعد صور عائلته وناس بتدعم أيمن نور رغم ما يشاع حوله من التبعية لإيران وأمريكا وما يقال، وناس بتروح لعمر سليمان وهوه كان مع الريس في أمريكا وده إتعرف إنه ملعوب أو هو ده اللي أظهر من وراء الستار والغالبية العظمى بتنادي بجمال ليس لشخصه وإنما اللي نعرفه أحسن من اللي منعرفهوش، وإنه راجل شاب وطموح واتربي في المطبخ، ومدرك لتحديات البلاد وخلافه ويزكيه أبوه بطل الأبطال بلا جدال ليس تحيزا للريس حسني ولكنها الحقيقة فحسني هو بطل الحرب والتنميه والسلام.