بالفيديو..أحمد موسى يهدد شباب الإعلاميين: بتشتكونى للرئيس.. طيب فضايحكم هتطلع

علق الإعلامى أحمد موسى على إجتماع الرئيس عبد الفتاح السيسى بعدد من شباب الإعلاميين والصحفيين، قائلاً: "تقعدوا تقولوا كلام فارغ فى حضرة الرئيس، وتتكلموا على أحمد موسى فى 3 ساعات" متسائلاً :"ليه هو أحمد موسى عملكم إيه وإيه الموضوع؟". وهدد موسى عبر برنامج "على مسئوليتى" المذاع على فضائية "صدى البلد" الإعلاميين قائلاً: "لازم تطلع فضايحكم علشان بتشوهوا الناس على الباطل"، متابعا قائلاً: "الناس كارهين أحمد موسى وصدى البلد ليه، وحاجه غريبة تاعبين نفسكم ولابسين بدل وبتتصورا مع الرئيس علشان أحمد موسى". وأشار إلى أن هناك مشروعات قومية فى الدولة لابد من الإهتمام بها، مضيفا "أنا قابلت الرئيس كذا مرة وعمرى ما اتكلمت معاه فى حاجه شخصية، لكن إنتوا رايحين تشتكوا للرئيس منى، هو إحنا فى مدرسة ولا فى حضانة".