أشهر شائعات جيل الثمانينات.. ارجع بالذاكرة

تناقل نشطاء التواصل الإجتماعي" فيس بوك"، مشاراكات ساخرة من مجموعة من الشائعات التي تداولها جيل الثمانينات، تجسد مجموعة من الأقاويل التي كان يرددها جيل الثامنينات، ومن تلك الأقاويل المتداولة:
- ان صلاح قابيل دفنوه وهو لسة حي وقعد ينبش في التربة ويخبط لحد مامات بجد.
- عادل امام هيدفع ديون مصر بشرط يحط صورته علي الجنيه.
- الفيران بتدخل في المكنة اللي بتعمل اللانشون وتتفرم معاه.
- الست اللي رجعت بيتها لقت الدبدوب بيحمر بطاطس راح حدف طاسة الزيت عليها.
- اللي بيلعب بالكبريت بيعمل حمام على نفسه بالليل.
- في عام 2000 السيارات هتمشى بعصير القصب.
- اتصل برقم 777777 هيرد عليك مش فاكر الشيطان و لا عفريت.
- طب حد فاكر النضاره اللى قالو عليها ان اللى بيلبسها بيشوف الناس من غير هدوم.
- كنا نمشى فى اى مكان ونقول القمر بيمشى معانا.
- نام بدرى احسن تطلعلك امنا الغولا وابورجل مسلوخه.
- اللى ايده اد وشة يدخل الجنة تصدق و تحط ايدك يجى صاحبك الرخم يضربك على وشك.
ولاقت هذه المشاركات اعجاب النشطاء.