أحداث تصدرت الترند| فيلم 7Dogs إنتاج عربي على طريق العالمية.. تصدر محركات البحث قبل طرحه بدور العرض

أحداث فنية هامة شهدها الوسط الفني وكذا الرياضى فى الآونة الأخيرة وتصدرت اهتمامات المتابعين سواء على المنصات او مواقع التواصل الاجتماعى ومنها فيلم 7Dogs حيث تصدر الإعلان الدعائى للفيلم؛ محركات البحث على كل منصات التواصل الاجتماعي، لعدة عوامل منها : دعاية ضخمة لعمل ضخم" فالفيلم منذ بدء مراحل تحضيره، وله جانب دعائى بشكل كبير وجذب الكثير، خاصةً مع العلم بالانتاج الضخم، ونشر عدد من أحداث الكواليس الخاصة بالعمل بأحدث التقنيات الحديثة، وكذلك هو بطولة لعدد من نجوم من أنحاء العالم
ويعد هذا الجانب أحد عناصر الجذب للعمل، وذلك لأن تلك التجارب ليست بالكثيره فى السينما العربية، والشراكة مع نجوم من السينما العالميه يضيف جاذبيه للعمل لدى الجمهور العربي.
كريم عبد العزيز وأحمد عز "على رأس عوامل النجاح"
العمل بطولة نجمى السينما المصرية كريم عبد العزيز والفنان أحمد عز، ومالهم من شعبية كبيرة فى كل بلدان العالم العربي، وهو ما يمثل تواجد لهذا الثنائى بأحد أقوى عوامل الدعاية للفيلم، واهتمام كل الجمهور العربى بالفيلم حتى قبل طرحه بدور العرض السينمائي.
زيزو تريند الرياضة والفن
مشاركة نجوم الأهلى فى إعلان دعائى للفيلم، وبالأخص اللاعب المنتقل حديثاً للنادى الأهلى من المنافس الزمالك، أحمد مصطفى زيزو فى الإعلان الدعائى لفيلم 7Dogs، وما له من تأثير كبير، وهو متصدر التريند على مستوى الأوساط الرياضية خلال تلك الفترة، وهو ما يمثل شكل دعائى كبير بين بلدان العالم العربي.
زواج أسما شريف منير
احتفلت أسما شريف منير، نجلة الفنان شريف منير بزفافها، وذلك خلال الأيام القليلة الماضية، وسط حضور للمقربين والأصدقاء.
رسالة أسما
ونشرت الفنانة أسما شريف منير رسالة احتفالاً بزفافها، لتشارك بها جمهورها.
وجاءت الرسالة "أنا الحمد لله اتجوزت، وده قرار جه بعد فترة طويلة من رحلة عشتها مع نفسي. من حاجات كتير قوى اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها. فهمت نفسى أكتر، اتعرفت على نفسى أكتر، فهمت أنا محتاجة إيه من الجواز، إيه المهم وإيه اللى مش مهم، إيه اللى محتاج مجهود وإيه اللى مش محتاج مجهود. وقعدت فترة كبيرة جداً بدعى ربنا بإنه يعوضنى خير ويعوضنى خير صبري، لأنى كنت فى الفترة دى بحاول أقصى حاجة فى الدنيا إنى أحافظ على نفسى وما أغضبش ربنا.
وأكملت رسالتها "حاولت إنى أدعى ربنا كتير قوى إنه يقف جنبى ويختار لي، وكنت دايماً بقول: يا رب اختار لى ولا تخيرني. وكنت مركزة جداً فى موضوع إنى أتعامل بالتوكل، وتوكلت على ربنا تماماً تماماً فى القرار ده. وتعاملت على إنه هو اللى هيجوزنى وهو اللى هيقول لى أعمل إيه. قلت له: سهل لى الطرق المعينة اللى أنت عايزنى أعملها. أنا نيتى خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض. وكلمت مع ربنا كتير لحد ما جه وقت صدقت جداً وكان عندى يقين غير عادى إن ربنا هيحقق لى الحاجة دي. لأنى كنت عديت بفترة تعب كبيرة قوى نفسى علشان أقدر أتخطى ده. كان بفكرة إنه صحيت نفسى فى الشغل وتوكلت على ربنا ومقررة إنه هو هيختار لى الأصلح.
وده اللى حصل عمرى ما كنت أتخيل إنى هتعرف على أحمد إزاى ولا إن إحنا لما تعرفنا على بعض إن إحنا كنا هنتجوز أصلاً أو أى حاجة. وحتى أنا بينى وبين نفسي، عشان كان عندى يقين، كنت عارفة إنى هتجوز، وكنت قايلة إن أنا هتجوز فى تاريخ معين يوم 25-5-5. كنت خلاص بقول للناس كلها إن ده يوم فرحى وإن أنا هتجوز اليوم ده، وأصلاً ما كانش فيه حد فى حياتى خالص".
وتابعت أسما "من كتر يقينى إن ربنا هيبعت لى حد وإنه هيرزقنى بالزواج الصالح اللى يريح قلبى ويعوضنى ويحسسنى بالأمان وبالاحترام وبالاحتواء. واللى شدنى فى أحمد إنه قريب من ربنا و بيغيرش الحقايق، وعارف مسؤولياته تجاه ربنا و عيلته، وعارف معاملاته تجاه ربنا عاملة إزاي. فلقيت الشخص اللى ممكن يبقى بيعامل الناس وجواه سالك، جواه إيمان. ده حد تقدر تثق فيه وتحس إنه تقدر تبنى معاه حياة وإنت متطمن. أكيد بنتضايق ونزعل من بعض، احنا الاتنين فينا عيوب وكل حاجة زى كل البشر ، بس فكرة إن الاختيار نفسه ربنا وفقنى فيه و سهلها من عنده، يا رب يبقى خير، لحد ما أموت يبقى هو فى حياتي".