صورة وتعليق.. ملك أحمد زاهر تطمئن جمهورها من داخل المستشفى

فوجئ جمهور الفنانة الشابة ملك أحمد زاهر بخبر تعرضها لوعكة صحية مفاجئة، ما أثار حالة من القلق والتساؤلات عبر مواقع التواصل الاجتماعي، ويترقب محبو الفنانة أي مستجدات حول حالتها الصحية وطبيعة الأزمة التي تمر بها.
حالة ملك أحمد زاهر الصحية
ونشرت ملك أحمد زاهر عبر حسابها الرسمي على موقع تبادل الصور والفيديوهات "إنستجرام" صورة لها وهي بالمستشفى، معلقة عليها: « طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبتبقي بيني وبين صحابي».
وتابعت ملك زاهر: «الفترة الأخيرة بيجي لي كومنتات كلها أنتي عايشة ومبسوطة وإحنا مش عايشين وإيه كل اللي انتي فيه ده.. حبيت أقول لهم إن الحياة مش وردي أنا بقالي 3 أيام تعبانة وعندي حاجة لحد دلوقتي مش فاهمين سببها رغم إني قبلها بنص ساعة كنت زي الفل ومن ساعتها مش عارفة أنزل أو حد يشوفني».
واختتمت ملك حديثها: «الهدف من الاستوري دي مش إن حد يقلق، لأن الحمد لله أنا كويسة وإن شاء الله اللي عندي ده ليه حل وأنا تمام مفيش حاجة مقلقة، أنا بس حسيت إني محتاجة أشارك الوحش زي ما بشارك الحلو».