لازم كلنا نقف جنب بعض.. ياسر جلال يعلن عن تبرعه بثلاثة ملايين لصالح صندوق تحيا مصر

أعلن النجم ياسر جلال عن تبرُّعه بمبلغ ثلاثة ملايين جنيه، لصالح صندوق تحيا مصر، اليوم الأربعاء، وتعد المرة الأولى التي يقوم فيها النجم ياسر جلال، بالإعلان عن التبرع وجهتها، وكشف أسباب ذلك.
وقال ياسر جلال: "المرة ديه بعلن عن الجهة والمبلغ اللي اتبرعت بيه لأني بتمنى أن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه.. أنا عارف إن فيه منهم عمل الموضوع قبل كده بس لو عملوا ده تاني يبقي شئ عظيم".
وتابع كلامه: " يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي أنا راجل لا غاوي شُهرة ولا نجومية أنا بشتغل وبخلص شغلي وبروح أقعد مع مراتي وأولادي وبعمل ده؛ لأن كلنا شايفين إن البلد بيمر أزمة كبيرة والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر"
يذكر أن آخر أعمال النجم ياسر جلال، مسلسل الاختيار 3 في رمضان الماضي، وحقق نجاحا كبيرا، وشاركه البطولة أحمد السقا وكريم عبد العزيز وعدد كبير من نجوم الفن.