كريم عبد العزيز يحذر من نشر الشائعات

حذر الفنان كريم عبد العزيز من خطورة نشر الشائعات، وكتب على صفحته الرسمية بموقع التواصل الاجتماعي فيسبوك:"بعد إذنكم كفاية شائعات وبلاش نرددها، في مصادر رسمية للمعلومات بلاش ننشر من غيرها، أنتم مش متخيلين كمية الذعر اللي بتعمله الإشاعة وقلوب الأمهات اللي بتتحرق خوفًا على أولادها رفقًا بقلوبهم".
وتابع: "الخير في البلد دي كثير جدًا ومش بيخلص ولا هيخلص فبلاش التكالب والازدحام على المولات والسوبر ماركت، البلد دي مذكورة في القرآن وربنا حافظها وحافظ أهلها وبإذن الله أزمة وهتعدي زي ما عدينا كتير غيرها".
وأضاف: "الأمل في ربنا مش بيخلص خلوا إيمانكم بربنا كبير وخدوا بالأسباب والتزموا بالتعليمات وبلاش تجمعات وحافظوا على تعقيم أيديكم أول بأول وألبسوا الكمامات مش وقت نخاف ان حد يهزر أو يتريق علينا صحتك بالدينا وأهم من المظاهر لأن كلنا في مركب واحدة وبإذن الله هنوصل بيها لبر الأمان.. الله هو الحافظ".