تركي آل الشيخ يستعين ب"عبدالله السعيد" للرد على قرارات مجلس الأهلي

علق المستشار تركي آل الشيخ، مالك نادي بيراميدز، على أزمته مع النادي الأهلي بسبب رفض اللعب إلا بعد خوض نادي القرن، مبارياته المؤجلة في مسابقة الدوري الممتاز.
وقال "آل الشيخ" عبر صفحته الرسمية على "فيس بوك": "هو ما شاء الله لسه فيقين إن فيه هجوم وإساءة ليكم من رئيس الاتحاد العربي وليه لما قلت في لقاء تليفزيوني اني من كام يوم اني بفكر أستقيل من الاتحاد العربي، فحبيتوا كالعادة تاخذوا اللقطة وتطلعوا أبطال قدام الجمهور وتلعبوا على نغمة إحنا الي مشيناه.. كمان مش دي البطولة الي لعبت فيها كده مباراة قبل كده وطلعت؟!".
وتابع: "هوا انت شاركت عشاني ولا عشان مصر وعشان الجايزة الي ب 8 ملايين دولار؟، وبعدين لما عرفتوا إن اتحاد الكورة هيأجل الماتش وده حق مشروع لبيراميدز رحتو عاملين بطولة ومنزلينها في بيانكم وكأنه مخرج ليكم؟! عشان ميبانش إن اتحاد الكورة أخذ القرار العادل!".
وأضاف: وكمان عاوز أسأل هو ماتشنا معاكم كان من غير جمهور الدور الأول.. يبقى من حقنا الماتش التاني يبقى بدون جمهور وده الحق الطبيعي الي لينا.. وأنا بسأل للمرة المليون وقدام الجمهور الآن فين قرار قبول الاستقالة من الرئاسة الشرفية؟! ومين الي خايف يواجه؟ أنا الي طالبت إن الماتش يكون كأس وبنفس التاريخ واتبح صوتي من 10 أيام بكده".
وأوضح: "مين الي عاوز يأجل ماتش الزمالك؟ بعدين أنا بستغرب أخاف ليه وأنا فايز ب 2.. وجون من السعيد وجون من أوفر من السعيد؟ لاعب منتخب مصر الي اتدفع قيمة 3 مرات والي بتحارب فيه والي رميت بكل الذوق والمبادئ ورحت تشتكيه على الفيفا وعلى الأهلي السعودي الي منه الأمير المرحوم عبدالله الفيصل الرئيس الفخري والي فيه صالة بسمه في النادي!".
واختتم: "أنا فهمت الفيلم الي كنت بتعمله بس فهمته للأسف متأخر.. إن الهدف إحراق صورتي وكسب بطولة زائفة قدام الجمهور.. الله يرحمك يا صالح سليم".