استنكر الناشط السياسي محمود بدر، أحد مؤسسي حملة "تمرد"، مهاجمة البعض لتفويضه للفريق أول عبد الفتاح السيسي، النائب الأول لرئيس مجلس الوزراء ووزير الدفاع والإنتاج الحربي، للترشح لمنصب رئيس الجمهورية في الانتخابات المقبلة. وقال "بدر" - في تدوينة له عبر حسابه الخاص على موقع التواصل الاجتماعي "فيس بوك" - مساء اليوم السبت: "آه على فكرة ما خضعتش لابتزاز تجار الدين، ومش هخضع لابتزاز تجار الثورة، ومفيش فرق بين اللي شايف نفسه صحّ والباقي كفرة، واللي شايف نفسه ثوري والباقي خونة، ومفيش فرق بين الخروف اللي قال على الشعب جاهل، والخروف اللي لما اختلف مع اختيار الشعب شتمه، خليكوا انتوا اشتموا ع الفيس، وخلّونا احنا نسمع للناس اللي شايلة الطين ومتعرفش يعني إيه نتّ أصلا، يا بتوع الديمقراطية.. الشعب هينتخب السيسي بإرادته، ورّوني هتمنعوه إزاي!".